تحدثت الإعلامية دعاء فاروق عن أهمية الصدقات التي تعطى للفقراء والمحتاجين، مشيرة أنها من أجل الله فقط وليس لأجل أي هدف آخر.
وشاركت الإعلامية دعاء فاروق مقطع فيديو عبر حسابها الشخصي بموقع الصور والفيديوهات «انستجرام»، تحدثت فيه عن الصدقات التي تقدمها للمحتاجين، حيث قالت: «بنطلع صدقات عشان إحنا محتاجين؛ لأننا بنتوسل لربنا بالصدقة وبصحى الصبح أدور على حد أديله صدقتي عشان أفك كربي، مش هو اللي يدور عليا، وأنا معرفش أنا بشتغل إيه واللي أعرفه إني بشتغل عند ربنا وهو بيبعتلنا رزقنا بأي وسيلة، وممكن يكون قليل وفيه بركة، وخزائن ربنا لا تنفذ، وملهاش علاقة بخزائن الناس الضعيفة المليونيرات».
وكانت وجهت الاعلامية دعاء فاروق رسالة شديدة اللهجة لمتابعيها من الرجال عبر صفحتها الخاصة على فيس بوك .
وجاءت رسالة دعاء فاروق كالتالي: من تعل صباح الفل عشان نبقي علي نور يا جماعة ومفيش ست تدخل تلاقي جوزها بيتهزأ عندى فتزعل …. أي راجل هيدخل يعلق بطريقة غير لائقة ويمصمص لي شفايفه علي أي صور لصديقاتي او اخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر علي شكل او حجاب او لبس هيتهزأ قدام أمة لا اله الا الله ».
وتابعت: «ملكش حكم غير علي اهل بيتك وممنوع تدخل تنطق بحرف لا حلو ولا وحش في الحالتين بعمل بلوك … اللي بيتغزل او بيقول كلام مايع علي شكل او جمال بيتهزأ ويتعمله بلوك زيه زى اللي بينظر ويدخل يحاسبني اني بتاعت البرامج الدينية ويقعد ينظر علي شكل أي حد ويخرجنا من منظومة الأخلاق والدين اللي محاوطاه ومحاوطه اهله فقط الاتنين هيتهزأوا ويتعملهم بلوك مفيش رجالة محترمة تدخل تبص وتتكلم علي شكل اي ست عندى علي صفحتي مهما حطيت من صور كلهم زملاء وسيدات محترمات لابسة ايه او شكلها ايه ده مش موضوعك عشان كرامتك مش هتعرف تلمها …. انا بتناقش مع الستات وبحاول اوصل وجهة نظري معاهم في بعض المواضيع إنما مش بتناقش مع رجالة … الراجل اللي هيدخل يقول كلمة مش مظبوطة هشوطه انا مش بتملق حد ولا يفرق معايا مخلوق تحاسب نفسك الأول علي حياتك ونواقصك قبل ما تدخلوا تحاسبوا الناس علي حاجة مش من حقكم …اللهم بلغت»