كتبت- شروق مدحت
قامت المذيعة بوسي شلبي، بمشاركة متابعيها عبر حسابها بموقع تبادل الصور والفيديوهات الشهيرة “إنستجرام”، بمقطع فيديو جديد، يتضمن الاحتفال بعيد ميلاد المذيعة مفيدة شيحة.
وتشتهر الإعلامية مفيدة شيحة بطريقتها المشاكسة للرجل ودفاعها المستمر عن المرأة المصرية بشكل جرئ مختلف.
ونستعرض أبرز 10 تصريحات لمفيدة شيحة عن الرجل هي:
1- عن الزوجة التي تكبر زوجها قالت “أحب الراجل يكون أكبر منى في السن.. إحنا ناقصين هما مطلعين عنينا ومكفرنا لكن هنربي كمان”.
2- وحول مشاركة الرجل في تصليحات المنزل قالت :”نص الرجالة أناتيخ، لا بيهشوا ولا بينشوا.. الرجالة عاملين زي القطط بيناموا في مكانهم”.
3- وعن كوباية الشاي علقت قائلة ” مش دور مراتك خدمتك.. شرعا أنت مش متجوز خدامة أنت متجوز زوجة وشريكة”
4- وعن شك الرجل في زوجته قالت ” الراجل لو شاكك في مراته بيكون عنده مشكلة مش شخص سوي، ومش حاسس أنه راجل”.
5- وعن الرجل الوسيم قالت ” الرجل الوسيم شايف نفسه، وكل واحدة لما تعاكسه بيفتحلها الطريق، طبيعي علاقاته تكون متكررة، وبصباص”.
6- وقالت عن سيطرة الزوجة “الراجل لما بيتكلم عن الست أنها مسيطرة ده هتش وتأليف، مستحيل ست مفترية من غير ما يكون راجل مفتري، والرجل حابب يعيش دور الغلبان المظلوم”.
7- وقالت عن الرجل الرومانسي “: الرومانسية زيادة عن اللزوم زي الشوربة لما تبرد، بقلق من الراجل اللي بيقول كلام حلو.. مش أوي كده يا حسنين مفيش حد بيحب على روحه 24 ساعة”.
8- وعن ثقتها في الرجل قالت “مفيش حاجة اسمها راجل ياخد ثقة عمياء، ابقى عبيطة ومركبة ديل، لا يوجد ثقة 100% ده في اللا لا لاند”.
9- ” الرجالة بتجي تقفيل وعيب الصنع بيظهر بعد 10 سنين جواز”.
10- “لو الستات بيشتموا في الرجالة فمن حقنا، غير كده إحنا قطاقيط.
أقرأ أيضاً:
بوسي شلبي تكشف عن حالة رجاء الجداوي وعدم خروجها من الرعاية المركزة
مفيدة شيحة: مفيش حاجة هتوقفنا الستات ميعرفوش يكدبوا من البيت