ردت المذيعة بسمة وهبة على تعليق إحدى المذيعات اللبنانيات على إرتداء الملابس المفتوحة، وذلك عبر برنامجها 90دقيقة على شاشة تليفزيون قناة المحور .
قالت بسمة وهبة: أنا ممكن يبقى عندي هوس اني ابقى تريند دا مسموح لكن معملش حاجة شاذة وفيها عدم حياء عشان أبقى تريند زي الولد اللي صور والده وهو بيحتضر، الحقيقة شيء مؤسف أو زي فنانة تقرر تعتزل الفن وترجع في كلامها.
واضافت : زي المذيعة اللبنانية اللي قالت مفيهاش حاجة لما تلبس فساتين عريانة ، أنتي حرة، بس متدخليش ربنا في العري، وتقولي أصل ربنا خلقنا عرايا، بتعملي تريند ملكيش دعوة بربنا انتي عايزة تبقى بلبوصة ولا كلنا نبقى بلبوص لا يا حبيبتي مش هتعمل كدا ومفيش.
جويل مردينيان ترد على بسمة وهبة
وردت جويل مردينيان قائلة انا مؤمنة جدا بربنا ودايما بقول إنه هيجازيني لأني لابسة فستان عشان هو خلقنا بدون هدوم، وممكن أكون مغطية نفسي من فوق لتحت بس تيتي مش حلوة، أو من جوة أنا مش حلوة، فأنا بأمن إن ربنا مش هيقف معانا لأننا بنلبس لبس معين هو واقف معانا على طول .
وأضافت ربنا بيجربنا، قد أي نفسنا تنجح وقد ايه بتعب وبضحى وأكثر من غيري، واللي قادر يضحي أكثر من غيره عشان يوصل أكثر من غيره بيوصل بإید ربنا .