شارك الفنان عمرو وهبة، جمهوره ومحبيه، صورة جديدة له من أحدث ظهور، عبر حسابها الرسمي بموقع التواصل الاجتماعي “إنستجرام”.
وظهر “وهبة” في الصورة من داخل صالة الجيم، وعلق: “شباب الجيم محتاج تمارين مفيهاش عرق عشان مش ناوى استحمى الفتره دى”.
View this post on Instagram
عمرو وهبة يرد على متابع أساء إليه: هخليك عبره.. ومكان شغلك في مباحث الانترنت
رد الفنان عمرو وهبة، على أحد متابعيه، قام بسبه بطريقة بشعة، عبر حسابه الشخصي بموقع التواصل الاجتماعي “فيسبوك”.
وكتب عمرو، قائلاً:” قولت قبل كده كتير انى بطنش الكومنتات السلبيه والشتيمه عشان ده جزء من شغلى، ومع انى مش شايفلها مبرر خصوصا انى بوستاتى هزار لا سياسه ولا كوره ولا دين بس دايما كنت بقول معلش جايز اللى بيشتم ده ظروفه وحشه يومه وحش حياته وحشه بيكرهنى لدرجه ان مش قادر يمسك نفسه”.
وتابع: “بس قولت برده فى نفس البوست انى فى مره هخلى واحد عبره وهكمل للاخر وهزعله .. ولقيت الواحد ده، وبما انك بتشوف بوستاتى وبتشتمنى فيهم كلهم فانا بقولك اهو متمسحش الكومنت عشان كله معايا ومتعملش بلوك ومتخليش حد من اهلك يكلمنى يعيط”.
وواصل: “مكان شغلك اهو “مركز المعلومات ودعم اتخاذ القرار بمجلس الوزراء – مصر، مركز المعلومات ودعم اتخاذ القرار مجلس الوزراء، مباحث الانترنت”.
من جانبه كانت آخر أعمال وهبة في مسلسل ”في بيتنا روبوت” الذي تم عرضه في يناير الماضي، وتدور قصة المسلسل حول يعمل شاب يُدعى يوسف على مشروع تصنيع إنسان آلي بذكاء اصطناعي، وحينما ينجح في تصنيع النموذجين زومبا ولذيذ، سرعان ما تنقلب حياته وحياة عائلته رأسا على عقب، المسلسل من بطولة شيماء سيف ، عمرو وهبة، هشام جمال، ليلي أحمد زاهر ودلال عبد العزيز، العمل من تأليف أحمد محي، ومن إخراج وليد الحلفاوي.