نفى إيهاب إبراهيم، والد زياد حارس مرمى فريق الناشئين بالنادي الأهلي، الكلام المثار عن انتحار نجله وذلك نتيجة رفض زواجه من فتاة: “الكلام ده لا أساس له من الصحة”.
وأضاف والد زياد في مداخلة هاتفية لبرنامج “حضرة المواطن” مع الإعلامي سيد علي: “زياد ابني كان لسه جاي بعد انتهاء لقاء النادي الأهلي مع الاتحاد السكندري في الإسكندرية، وكان زعلان عشان جون دخل فيه في الماتش، واتكلمت معاه وهوَّنت عليه“.
وتابع والد زياد حارس مرمى النادي الأهلي المتوفى: “أنَّ زياد كان بيتكسف من خياله، وكان عنده 17 سنة، وهو مكانش خاطب أو القصة دي ومعرفتش الكلام ده غير دلوقتي وهو عمره ما كلّم أي بنت على الرغم من أن هناك مطاردات من فتيات على الواتس آب“.
واستكمل: “زياد كان الحاجة الحلوة اللي في حياتي، وهو كان معتاد على التدريب في البلكونة بالصباح الباكر وأنا ما شوفتش لحظة وفاته“.
وأكد والد زياد حارس مرمى النادي الأهلي المتوفى: “أن مجلس إدارة النادي الأهلي على رأسهم محمود الخطيب واسوني، وتحدَّثوا معي لغاية ما خلصنا إجراءات الدفن وحتى الآن“.