قدمت الإعلامية ياسمين عز خلال برنامجها كلام الناس عدد من النصائح لـ الزوجات لدعم زوجها الأهلاوي قبل ماتش الأهلي والوداد، والذي من المقرر إقامته اليوم الأحد، ضمن دوري أبطال أفريقيا.
نصائح ياسمين عز الـ 10 للتعامل مع الزوج الأهلاوي قبل الماتش
بلاش أكل دسم عشان يقدر يشجع بكامل طاقته.
كتري من مصطلحات اللي بتفكر جوزك بالبطولات اللي فاتت.
بلاش بط بالبرتقان وبلاش تصدريله بوظ البطة ولا تقوليله “وك وك” لأن البط من الرموز المميزة للوداد.
لو جوزك من النوع العصبي شيلي أي أدوات قابلة للكسر والشاي يكون في كوبيات الكرتون.
روحي لمامتك قبل الماتش ومترجعيش الا بعده .
حطي في التلاجة اليوم ده حاجة حلوة وحاجة مالحة.
لو لقتيه ساكت وقاعد سهتان ومسهم متسأليش أسئلة مستفزة لأن كل تفكيره مين هيلعب مكان الشناوي.
محبكتش عزومات في اليوم ده ولا تنضيف البيت.
لو جوزك متجوز 3 متقوليلهوش شكلك بتفكر في الرابعة عشان ده فال وحش جدا لأنها البطولة اللي بيفكر فيها الوداد.
يحذر الكلام عن أي فلوس أو فواتير أو طلبات واستني الماتش يخلص واجلي طلباتك لحد ما يهدى.
وكانت علقت ياسمين عز على شائعات دخولها مجال الغناء، مشيرة أنها لم تفكر أبدًا في أن تكون مطربة لأن صوتها شتوي.
قالت ياسمين عز في برنامجها كلام الناس: أنا بيطلع عليا كل يوم كيلو شائعات لكن مبيفرقش معايا الشائعات لأني مقفلة كتاب فن اللامبالاة 7 مرات؛ وواحد غيران مني قال إني كنت مطربة ومكملتش، والحقيقة أنا عمري ما حاولت أغني لأن صوتي شتوي لا يصلح، وغنيت بالصدفة في برنامج ألعاب وكان تحدي، وأنا لازم أحافظ على أحبالي الصوتية، وربنا حرمني من الغناء لكن منحني موهبة النثر والشعر.
وتابعت: لو كنت مطربة لن أغني إلا أغاني الحب والغزل في فرعوني وهنافس كاظم الساهر وهيكون بيني وبينه عداء شديد، أشمعنا بيغني للمرأة بس؟ وليه لما أقول نفس كلامه عن الرجل بتزعلوا مني؟