تحدثت الفنانة انتصار عن عدم مشاركتها في أي عمل فني مع المخرجة كاملة أبو ذكري مرة أخري، وعن رغبة الرجال فيها، ورأيها في نيللي كريم كممثلة.
تصريحات نارية من انتصار
وصرحت انتصار خلال حوارها مع الإعلامية مني عبد الوهاب ببرنامج “ع المسرح” المذاع علي شاشة قناة” الحياة”، وجاءت أبرز تصريحاتها كالاتي:
أتمنى من المخرجة كاملة أبو ذكري متتكلمش كتير في البرامج لأنه مش صح، مينفعش كل شوية تطلع على الناس لأني محبتش أنها عملت كدا، وبراحتها متشتغلش معايا تاني.
وتابعت: أنتي مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لأنك من أهم المخرجين الموجودين في الشرق الأوسط، وانا بحبها جدا لأنها صحبتي.
• كنت مرغوبة من الرجالة طول الوقت، ولكن اكتفيت وزهقت.. وعمري ما بخاف أني أكون مرغوبة أو لأ، وممكن لو أعجبت برجل أروح أقوله، والحب ملوش مكان ولا وقت، وفي اللحظة دي الكون كله بيكون ساكت احتراما لهذه اللحظة.
وتابعت دايما الراجل اللي بيحبك بيتكلم عنك ورا ضهرك حلو، وأخر مرة حبيت فيها كانت من وقت طويل.. والحب بيغير الحياة بتحسي أن الأكل له معنى واللبس له معنى ودولابك اللي في البيت له معنى.
•تطرقت حول إثارة الجدل حول تعليم نيللي كريم التمثيل في مسلسل ذات، قالت: أنا قولت كدا عشان باسم سمرة طلع وقال في لقاء تلفزيوني، وقال إني أنا وانتصار علمنا نيللي كريم التمثيل، وأنا اتزنقت في لقاء بعدها على طول، وقولت ساعتها مكنش يقصد هو كان قصده أنه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب باليه حلو جدا، وعجبني ساعتها إن نيللي كريم مردتش خالص واحترمتها جدا.