شهدت عزبة النخل التابعة لمحافظة القاهرة جريمة قتل بطريقة مأساوية هزت قلوب المنطقة وحاله كبيرة من الحزن والرعب حيث انعدمت الرحمة من قلوب البشر مقتل شاب يبلغ من العمر 35 عام على يد احد جيرانه بسبب خلافات سابقه ومن احد الأسباب خلاف على قطعة أرض تسبب في مقتل “رمضان” بسلاح أبيض “سكين” 4 طعنات متفرقة بالجسد والرقبة والظهر والقلب سقط جثه هامدة على الأرض جانب صندوق القمامة سايح في دمه وعلى الفور لفظ الآخيرة.
وينشر موقع أوان مصر خلال السطور القادمة التفاصيل الكاملة لـ مقتل رجل على يد اجد جيرانه في غزة النخل
واقعة مأساوية في عزبة النخل بأبشع الطرق
حيث كانت البداية عندما تلقت الأجهزة الأمنية إخطارا من قسم شرطة المرج يفيد بورود بلاغا يفيد بوجود واقعة في عزبة النخل مصرع شاب على يد احد جيرانه بسلاح أبيض سكين وعلى الفور لفظ انفاسة الآخيرة
وعلى الفورانتقلت الأجهزة الأمنية إلى مكان الواقعة وتم العثور على جثه “رمضان عادل” ملقى جانب صندوق القمامة سايح في دمه وبافحفص والمعاينة تبين أن مصرع “رمضان” بسلاح أبيض 4 طعنات متفرقة بالجسد والرقبة والضهر والقلب على يد احد جيرانه بسبب خلافات سابقه وتم نقل جثه إلى مشرحة المستشفى تحت تصرف من النيابة العامة وتم اتخاذ الإجرارات القانونية وتم القبض على المتهمين وتم تحرير محضر بالواقعة.
تفاصيل مقتل شاب على يد جاره في عزبة النخل
قالت شقيقة المجنى عليه نورهان في تصريح خاص لـ أوان مصر: تفاصيل الواقعة حصلت لما اخويا كان خارج يشتري حاجات ووالد القاتل واقفه في الشارع وقاله انا مش قولتلك متعديش من هنا تاني انت واخواتك رد عليه رمضان وقاله طيب انا اعدى منين ياعم سيد مفيش غيرلفه بس بعيده جدا قاله معرفش بس المهم انك متعديش من هنا تاني راح رمضان قاله ماشي حاضر ومشى ولما جهه اشتكى للناس في شارع والناس قالتله كبر دماغك يا رمضان مش كل يوم وتاني مشاكل مع راجل ده وفعلا رمضان داخل ليا وقالي هتفطري هجيب فطاروخرج يجيب لينا فطاروهو خارج قابل شقيق القاتل قاله احنا مش قولنلك متعديش من هنا تاني انا لو شوفتك بتعدى تاني هقتلك راح رمضان قاله صلي على النبي في قلبك والقاتل كان واقف في البلكونه ومعاه سكينه ومركز مع رمضان اخويا ومجرد ما رمضان مشى ابو القاتل شاور للمتهم من البلكونه ينزل وفعلا نزل يجري ورمضان لما شافه جري اتجاة صندوق القمامه والمتهم جري وضرب اخويا بسلاح أبيض اول طعنة في الرقبة وبعد كدة في الضهر والإخيرة كانت في القلب وطلعت بالدم والناس حاولت تساعد اخويا المتهم قال اللي هيقرب منه هخلي يحصلوا والناس خافت تقرب وابو المتهم كان ماشي ببرود ولما ابنه قتل رمضان دخل سكين في جيبه وابو زقه قاله يلا اطلع كل ده ظاهر في الفيديو
قتل شاب على يد جاره
واكملت نورهان شقيقة المجنى عليه: ابو القاتل والمتهم وشقيقه كانه مقررين أن يقتلوا رمضان وبداية المشاكل بدأت بسبب خلافات على قطعة أرض بس بعيد عن أخواتي المشكلة كانت مع عمي بس اخواتي كانه واقفين في ضهر عمي وساب كل حاجة واتربص للضعيف علشان اخويا كان غلبان جدا وكان كل شويه يتشاكل مع رمضان وانا مش هسيبهم في حالهم يا انا يا هما وناس كتير جدا ادخلت في الحوار فضلنا على كدة سنه ونص والمتهم ده كان كل شويه يتشاكل مع رمضان هو صغير عنده 19 سنه بس في صحه عن رمضان اخويا وفي يوم اتخانق مع رمضان وشده من تيشرت وقطعوا وضرب رمضان اخويا كان جاي بيجري يشتكي ليا وقالي احمد ضربني ولما جهه ابن عمي قاله احمد ضربني جايبلي حقي علشان اخويا ضعيف وغلبان مبيعرفش يتخانق مع حد ولما بيلاقي مشكلة تلاقي الناس كلها واقفه وهو يدخل يقعد جوه يقولي انا ماليش دعوه بالمشاكل خالينا في حالنا
إضافت نورهان شقيقة المجنى عليه: انا جالي الخبر وانا كنت قاعده مستنيه وهو أتاخر قولت اكيد أتاخر عادي يعني لقيت ابن اخويا بيقولي عمو رمضان بيتخانق مع احمد قولتله اخرج يا ادم قالي لا خلاص هما خلصوا وكمان شويه سمعت صويت في الشارع خرجت اجري لقيت حد من جيرانه بيقولي الحقي اخوكي احمد قتلوا وسايح في دمه خرجت اجري لقيت الناس اخدته على المستشفى طلعت اجري دخلت الطوارى لقيت اخويا سايح في دمه وهدومه كلها دم انا وبعد شويه لقيت اخويا وابن عمي قالولي اخوكي مات عايزة حق اخويا يرجع علشان هو كان اطيب واحد في اخواتي وغلبان جدا وان شاء الله حق اخويا يرجع هو كان غلبان وبيشتغل ومبيقبلش على نفسه فلوس حرام
وتابعت نورهان شقيقة المجنى عليه: والدة المتهم لما رمضان مات قالت انا ارتحت لما اتقتل ربنا يحرق قلبها على جوزها وعيالها وتجرب نفس وجع القلب علشان لو الاب خرج الدنيا هتخرب انا بطالب بالقصاص مش عايزة حاجة تاني كفاية اخويا مش مرتاح في قبره ومنهم لله انا قلبي مش هيرتاح غير لما حقه يرجع وحسبي الله ونعم الوكيل
قال إسماعيل احد جيران المجنى عليه يبلغ من العمر 14 عام: انا كنت بحب رمضان وهو كان اخ ليا بس هما قتلوا وعازين حق رمضان يرجع احمد القاتل كان دايما بيفضل يشتم رمضان ونزل من المنزل وفضل يضربه ويشتمه وقطع تيشرت بتاعه ورمضان فضل يعيط ويوم الواقعة انا كنت واقف وشايف احمد القاتل نزل يجري وضرب رمضان في ضهره بسكينه الاول وبعد كدة ضربه في وشه وبعدين في رقبتة واخر حاجة كان في قلبه ووقع مات احنا عايزين حقه وحسبي الله ونعم الوكيل