البلوجر حسن مجدي .. اتهمت عضو بنقابة الصيادلة تدعى أماني بدوي، بلوجر شهير يُدعى حسن مجدي يروج لمنتجات شركة كبرى في مجال التجميل، بـ انتحال صفة طبيب صيدلي، ومزاولة مهنة الصيدلة بدون ترخيص.
البلوجر حسن مجدي
وقالت أماني بدوي عضو بنقابة الصيادلة، عبر حسابه بموقع التواصل الاجتماعي فيسبوك: يعني منتحل صفة صيدلي وضحكت على شركة EVA وفهمتهم إنك صيدلي والانفلونسرز كمان كلهم مصدقين إنك صيدلي وطالع بمنتهى البجاحة تبرر ؟!.
وأضافت: كاتب على صفحتك DR ومش بس كده طالع لابس بالطو وقاعد في الصيدلية وبتتكلم في الأدوية والكوزمو وقولت لشركة إيفا إنك صيدلي وكاتب إنك Pharmacy Manager وكل ده مقولتش إنك صيدلي !!.
وأردفت: يا حسن يا مجدي بلاش تستفزنا أكتر من كده يا إما أقسم بالله العظيم هحول البلاغ كله للنائب العام وهلبسك أربع قضايا عد معايا.
1_انتحال صفة صيدلي ومزاولة مهنة الصيدلة بدون ترخيص ودي عقوبتها غرامة تصل إلي مليون جنيه وحبس .
2_ مخالفة قانون تنظيم الإعلان عن الخدمات الصحية .
3_ مخالفة قانون مزاولة مهنة الطب لأنك بتوصف أدوية للتخسيس وبتوصف ادوية لا وصفية كمان يعني Non OTC
4_ مخالفة قانون حماية المستهلك
وأتمت: لو فاكر إن كل دي دعاية سلبية ليك ف انت بتحلم لأننا مش هنسيبك إلا وانت متعاقب وأحب أقولك إن البلاغ ضدك ب اسمي ولو فضلت تستفزنا أكتر من كده هحول البلاغ للنيابة.