ايوه فرضنا اتاوات على الناس .. وعملنا شغل لناس فى الموضوع دا علشان ناخد نسبة من الفلوس اللي هتيجي.. بهذه الكلمات اعترف بها المقاول الهارب محمد علي في تصريحات تلفزيوينة.. مضيفا، أن والده كان يعمل في مثل تلك الأمور ، قائلا: اللي كان عاوز يرجع فلوسه كانت الناس بتدله على ابويا وكنا ناخد نسبة من الفلوس اللي هترجع.
و اعترف المقاول الهارب محمد علي بممارسة أعمال البلطجة منذ شبابه، وفرض “أتاوات” على كل من يلجأ إليه لمساعدته فى استرداد أموال بقضايا “شيكات” مقابل الحصول على نسبة من تلك الأموال، وذلك عن طريق خطف صاحب الشيك واحتجازه فى أحد المخازن بمنطقة العجوزة.
وقال الهارب فى مقابلة تليفزيونية: “أبويا كان بطل كمال أجسام وكنا عايشين فى العجوزة، وكان يمتلك محل إكسسوارات وبعد كده فتح محل ذهب صغير، ولو جه حد يرفع قضية بشيك، كان البعض يقولوله فيه الكابتن “على” فى العجوزة ممكن يجيبلك الفلوس دى بس بياخد نسبة”.
وأضاف المقاول الهارب: “كنا بناخد الشيكات وأبدأ أتعامل مع صاحب الشيك أخطفه وأجيبه المخزن لحد ما يرجع الفلوس وبعد كده أخد الأتاوة”.