علق الناقد الفني هاني عزب، على كلام المخرج سارة وفيق عن فيلم “تاج” بطولة النجم تامر حسني، واتهام بعض المواقع الاخبارية بنشر كلام مغلوط عبر حسابة الرسمي بموقع التواصل الاجتماعي “فيسبوك”.
ونشر هاني عزب، بوستر سارة وفيق، التي تنتقد فية الصحافة، وعلق عليه، قائلا:” شفت البوست ده عند المخرجة سارة وفيق ولكن هو فيه كلام مغلوط ومش عارف هل يا أستاذة سارة هل لو حد اعتذر بيكون عيب؟ ما كل الافلام والمسلسلات حصل فيها كم كبير جداً من الاعتذارات وعادي مش عيب ولا تقليل من الفيلم والله.
وتابع :”مع العلم ان هنا الزاهد اول واحدة وقعت علي الفيلم وبعدها اعتذرت عن عدم المشاركة وبعدها يا أستاذة سارة حصل ضغوط عليها عشان تقول متعرفش حاجة عن الفيلم ولكن هل اللي ميعرفش حاجة عن الفيلم بيرجع عربون؟”.
وأضاف :”ثم اعلن تامر حسني بطل الفيلم وكاتب السيناريو والمشارك في الانتاج انضمام مي عمر للبطولة ثم اعتذرت مي عن العمل ونشرت ستوري عبر صفحتها ورد عليها تامر”.
وتساءل:”فين دور الصحافة فى الموضوع وفين الغلط اللي نزل يا أستاذة سارة.. ياريت يكون في إحترام لعقولنا وعقول المتابعين وان لو حد اعتذر مش جريمة ولا عيب في حق الفيلم وأبطاله”.
ووجة رسالة لسارة وفيق:” وبلاش ندي لحاجة صغيرة أكبر من حجمها ونعيش في جو مؤمرات مش موجود علي أرض الواقع، أعتقد يا أستاذة سارة كان في ترشيح لياسمين رئيس قبل ما مي عمر توقع وتمضي بشكل رسمي؟”.
واختتمت حديثة :” وتخيلي يا أستاذة سارة اللي بيتمنوا يشتغلوا مع اهم نجم عربي اعتذروا بالفعل ولو مش متأكدة عندي الدليل والحقيقة مش عارف إنتي كاتبة البوست ده وضميرك مرتاح ولا ايه؟.. عموما أستاذة أنا عارف إن رسالتي هتوصلك بس اتمني تفهميها وتسوعبيها”.