علقت النائبة أميرة العادلي، عضو مجلس النواب عن تنسيقية شباب الأحزاب والسياسيين، على الصورة المتداولة عبر مواقع التواصل الاجتماعي، والتي تظهر النائبة وهي تدخن السجائر أثناء مشاهدة مباراة الكاميرون ومنتخب مصر.
النائبة أميرة العادلي
وكتبت العادلي عبر منشور لها عبر موقع فيسبوك:« طيب عشان نخلص من القصة والرسايل الكتير، ايوة دي صورتي ..ومش مضايقة ولا مهتمة بالموضوع »
وأضافت: «انا بشرب سجاير ومن سنين بطت اعدها ومش مخبيه ده اصلا..ومش هاابطل السجاير واكون انسان جديد عشان انا بحب أدخن ..عادة صحية سيئة بس بحبها ..زي اللي بيحب الأكل الدسم كده بيتخن وغلط علي الصحة بس بيحبه».
وتابعت:«ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي..بيفرح ويعيط ويتعصب ويزعق ويطنط ويهتف ويغني و بيأكل ويشرب ويدخن سجابر عادي جدا».\
وأوضحت:« ومعلوماتي إن علب السجاير مكتوب عليها لا تباع لأقل من 18سنة، بغض النظر عن نوعه أو شغلنته أو ديانته»..
ونصحت النائبة أميرة العادلي متابعيها بعدم التدخين قائلة:« والتدخين ضار جدا بالصحة ومانصحش حد يدخن»,
وأكدت أنها ما تفعل يقع تحت بند الحرية الشخصية، داعية الشعب المصري إلى دعم المنتخب الوطني في مياراته المقبلة بنهائي كأس أمم إفريقيا، أمام السنغال، قائلة: « انا بدخن و بحب أدخن ..وانا حرة في عالم حر .. فا نفكنا بقي من الكلام الاهبل ده ..ونشجع منتخبنا يوم الأحد وإن شاء الله الأبطال يرجعوا بالتامنه ويفرحوا مصر كلها».