أصيب المطرب رامي جمال بمرض البهاق ، مؤكدا انه حاول علاجه وعرضه على اطباء كثير دون جدوى .
وقال المطرب رامي جمال انه يفكر في الاعتزال من الفن نهائيا في حال عدم تقبل الجمهور له بهذا المرض ، ويبحث عن مشروع اخر له، موضحا انه ظهر بقع بيضاء اللون في بعض المناطق من جسمه، دون ان يجد لها العلاج، مضيفا انه قرر مشاركة جمهوره لوضع حل معين ، إما ان يتقبله بهذا الشكل وبمرضه أو ان يعتزل ويبحث عن مشروع اخر.
وقال رامى جمال خلال حسابه الشخصى على “انستجرام”، الحمد لله الذى احبنى فأبتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت انه مرض البهاق وجربت أنواع علاج كتير ودكاترة كتير ومفيش فايدة.
وتابع: رضيت وسلمت امرى لله عشان عرفت ان الزعل بيزوده وكفاية شغلانتى وصعوبتها والقلق الدائم من المستقبل وفعلا بقى بيزيد لدرجة لفتت نظر ناس كتير، اللى بقى يقوللى هتتعامل ازاى وانت فنان واللى يخاف يسلم عليا واللى يسألنى هو ده معدى.
وأضاف: أنا بقالى سنة فعلا لو عندى حفلة أو تصوير بتعب على ما اشوف طريقة اخفيه بيها لدرجة خلت ناس تقولى شوف بيزنس تانى اعمله عشان الناس مش هتقبلك كده، وفكرت فى كلامهم بصراحة.
وأستكمل حديثه، لقيت ان عندى حلين يا فعلا شكرا لحد كده على الشغلانة دى رغم حبى ليها وعدم معرفتى بغيرها يأما مش هداريه تانى وتقبلونى بيه وترحمو كل اللى ربنا ابتلاهم بيه من نظرة أن شكله غريب والحمد لله على نعمة الاهل لانهم الوحيدين اللى بيقبلوا الواحد زى ماهو.