حلت المطربة الشعبية هدى ضيفة خلال لقائها مع الإعلامي رامي رضوان، مساء DMC على فضائية DMC، أن مشوارها الفني بدأ بمحط الصدفة، ولم تخطط أبداً لتتكون مطربة.
وبدأ مشواراها الفني من أيام دراستها في المدرسة قائلة: «زميلتي كانت اليوم ده غايبة، والمفروض هي اللي هتغني، فـ المدرسة دخلت قالت زميلتكوا غايبة من يحب يكون مكانها، فأنا قولتلها جريبني لو عرفت ماشي، وبعد كدة لما سمعت صوتي قالتلي أنتي صوتك حلو أوي، بس محتاجة شوية تدريب وهتغني أغنية لـ أم كلثوم مش الأغنية اللي كانت زميلتك هتغنيها، وساعاتها حفظتني أغنية بالسلامة احنا بدينا وهي من الأغاني الصعبة لـ ام كلثوم».
وأضافت: «وكان في الحفلة دي كانت على مستوى الجمهورية، وكان فيها حضور وضيوف كتير أوي فجيه مصطفى حلمي، وقالي هو أنتي بتشتغلي، قولتله يعني ايه قالي يعني بتنزلي أفراح وحفلات وباباكي يقبل، قولتله ياريت بس أنا مش بشتغل، وبابا كان شديد جداً وهو مؤذن في الجامع بس مش متشدد خالص».
هدى: أنا بغني كل الأنواع والألوان مش شعبي بس
وتابعت هدى حديثها خلال لقائها في برنامج «مساء DMC» المذاع على فضائية DMC: «أنا كنت بغني كل الأنواع وكان في البداية كان عاوز شخص كان عايز مطربة تغني زي حكيم وكنت ساعتها في الأفراح بغني لسميرة سعيدة وجواهر وعدوية وحكيم، بس كنت بميل في الأفراح للون الشعبي لأنه بيرقص دايما، ولما سمعني في الأفراح مضى معايا العقد تاني يوم».
وخلال اللقاء قالت هدى إن أغنيتها الشعبية «أنا بين نارين» وش السعد والخير عليها والجمهور المصري تعرف عليها من خلال هذه الأغنية، رغم أن المنتج لم يكن يرغب في ضمها للألبوم ولكنها أصرت عليها ولم يندم في النهاية.
وأضافت المطربة الشعبية هدى أن كل الأغاني التي صوَّرتها فيديو كليب نالت نجاحاً كبيراً في الشارع المصري، وأضافت: «كنت بمشي في الشارع الناس تشارور عليا تقولي اللي بتغني زكي يا زكي أهي، وكان مافيش فرح في الوقت ده مافيهوش أغنية من أغانيا» مثل “زكي يا زكي” و”اندهلي حد كبير أكلمه” و”اصطبحت بوش مين”، و”ما تسأل يا عم عليا”.