تحدتث الماكير محمد عشوب عن علاقته بالرئيس الراحل محمد حسني مبارك وذلك بصفته أنه مكيير الخاص له، وحقيقة رموش سعاد حسني في الأفلام وخاصةً في فيلم «الزوجة الثانية»، وذلك خلال حواره في إحدى اللقاءات التليفزيونية.
أبرز تصريحات محمد عشوب في إحدى اللقاءات التليفزيونية:
- فاتن حمامة كانت مش بتحب المكياج وقالتلي في مسلسل ضمير أبلة حكمت إوعى تعملي مكياج زي صفية العمري في ليالي الحلمية.
- حسني مبارك كان بيكره المكياج، ولكن لما سافر أمريكا قالوله لازم وجود مكياج في وجهك.
- مكياج حسني مبارك كان ناعم على عين، وعلاقتي بـ الرئيس الراحل حسني مبارك كانت قوية، وفيلم طباخ الريس عني وعنه.
- عملت مكياج لـ 5 أشخاص طبق الأصل من الرئيس الراحل صدام حسين.
- عادل إمام صديق عمري ومسمي ابني على اسمه.
- أحمد زكي قال إن محدش هيعرف يعمل مكياج السادات غير عشوب.
- عمر الشريف قالي لو أحمد زكي بيعرف يتكلم إنجليزي كنت خدته هوليود.
- رموش سعاد حسني كانت صناعية.
- سعاد حسني وضعت رموش بسيطة في الزوجة الثانية، ولكن صلاح أبو سيف اعترض وقالي زوجة أبو العلا اللي رجلها في الطين تحط رموش.
محمود سعد: الماكيير عشوب كان قريب جدًا من سمير صبري.. لأنه مكانش عنده شعر
وأضاف محمود سعد: “الناس بدأت تقول كلام وحكايات كتيرة، وكأنهم عاوزين يلمحوا على الاشاعة اللي طردت سمير صبري وأنه معندوش ولد، ومنهم صديقنا محمد عشوب، وطارق الشناوي”.
وتابع محمود سعد: “يمكن طارق راح البيت وملقاش صور او حاجة فعشان كده قال الكلام ده، لكن عشوب كان لصيق لاستاذ سمير، لانه مكانش عنده شعر من زمان فكان بيعمله حاجات لشعره، فعشوب قريب جدا منه”.