تداول أعضاء نادي الجزيرة منشورات على موقع التواصل الاجتماعي فيسبوك، تفيد بوجود حالات تسميم للقطط بداخل النادي.
وقالت شيرين مجدي أحد أعضاء النادي، في منشور على موقع التواصل الاجتماعي فيسبوك، إنه تم تسميم 25 قطة، في حين أنه منذ 20 يوما يتم تسميم قطة يوميًا، حتى تم تسميم 25 قطة مرة واحدة.
وانتقد أحد رواد مواقع التواصل الاجتماعي أسلوب تعامل نادي الجزيرة مع القطط الضالة، قائلًا: نادي الجزيرة سمم القطط اللي في النادي كلها، علمًا بإن دي مش أول مرة يعملوها، نادي الجزيرة قتل القطط بالسم قبل كده في 2014، وفَضَّلت عدم نشر صور القطط وهي ميتة لإنها مؤذية جدًا.
قال حساب باسم سامح: اللي انتوا شايفينه ده من نادي الجزيرة، أنا متأسف على بشاعة المنظر بس من ساعة ما شوفت الصور وأنا دمي بيغلي، أنا حقيقي معرفش ده بسبب ضغط من أعضاء مرضى نفسيين ولا من إدارة معندهاش ذرة رحمة، والموت بالسم من أكتر الموتات ألما على الحيوانات وبيشوفوا عذاب حقيقي لحد ما تطلع روحهم، يعني مش حتى موت رحيم بأي شكل، القطط دي ماتت متعذبة.
وقال آخر: نادي الجزيرة أول نادي في مصر يخصص مقبرة للقطط والكلاب، احترامًا للإنسانية قبل الحيوانات، قامت إدارته بقتل أكتر من 30 قطة بالسم، ودي مش أول مرة.