تداول رواد مواقع التواصل الاجتماعي خبر انتحار طالبة بكلية الطب جامعة العريش والتي انتشر خبر انتحارها بين زملائها طالبين من المولى عز جل أن يرحمها، ومطالبين برد حقها وذلك عن طريق تفعيل هاشتاج تحت عنوان “#حق_طالبه_العريش”.
القصة الكاملة لانتحار طالبة طب العريش
تداولت أحد رواد موقع التواصل الاجتماعي، منشور جاء فيه: “لا صباح خير في أمة لا مروة فيها.”. البنت في الصورة الأولي دي اسمها نيرة طالبة في “كلية طب بيطري جامعة العريش” والصورة التانية لحيوانة اسمها شروق زميلتها في السكن الجامعي غدرت بيها وصورتها وهي في الحمام وبعتت صورها لشخص الي في الصورة التالتة ده الي اسمه طه زميل ليهم في الكلية وفضلوا يهددوها ويبتزوها ينشروا الصور لدرجة كانوا منزلين في الجروب ڤوت ينزلوا الصور امتي بكل بجاحة وقسوة وقلة مروءة ودين حصلت في الدنيا.
طالبة طب العريش “متحملتش ده وانتحرت بحباية غله”
وتابعت، نيره متحملتش ده وانتحرت بحباية غله ومحصلش أي رد فعل من الكلية غير بيان بيهددوا فيه أي طالب أن يتكلم!،
وأضافت: نيره ماتت من الضغط ماتت من الرعب حرفيا والجامعة متكتمة عن الموضوع!.. هو احنا ليه مش بنعترف لما يكون عندنا مشكلة؟ قمة القذارة ان احنا نغمي عنينا عن المصيبة، الاعتراف بالمشكلة هو بداية الحل، لحد امتي مش هنعترف أن فيه أزمة مجتمعية أخلاقية من الدرجة الأولى؟ ولمصلحة مين؟
وأشارت، “ياعيني لحد امبارح أهل نيرة كانوا مش عارفين بنتهم عملت في نفسها كده ليه لحد ما طالب من الكلية ضميره صاحي عمل اكونت فيك علي تويتر و نشر الموضوع باسكرينات من جروب الواتس”.
انشروا قصة انتحار طالبة طب العريش
وطالبت بنشر قصة نيرة طالبة طب العريش قائلة: “انشروا قصتها عشان الانجاس الي عملوا فيها كدا يتفصلوا ويتحاسبوا يتسجنوا ولا يروحوا في ستين ألف داهية تاخد أشكالهم وتوقف حياتهم زي ما وقفوا حياة إنسانة.. كفاية سكوت علي حيوانات بقي دا مبقاش مجتمع دي بقت زريبة!”.. كفاية تمكين لشوية حثاله قليلى تربية ودين بيضيعوا عمر شباب زي الورد!”.
لمتابعة موقع أوان مصر على موقع الفيسبوك من هنا