أعلنت الفنانة فريدة سيف النصر مفاجأة بخصوص مسلسل أزمة منتصف العمر بطولة الفنانة ريهام عبد الغفور، والذي تم عرضه مؤخرًا على منصة شاهد.
وكتبت فريدة سيف النصر عبر حسابها الشخصي بموقع التواصل الاجتماعي فيس بوك منشورًا، قالت فيه: لقيت ده صدفة وزعلت أنا اتفرجت علشان أنا مقتنعة بالمؤلف الشاب صاحب حواديت الشانزليزيه أيمن سليم، وزعلت لأني مش مصدقه إزاي يتنازل عن قصته وفكرته وحواره والسيناريو التحفة اللي قريته أول حد.
وتابعت فريدة: لأنه كان لـ غادة عبد الرازق وأنا فيه، ليه يا أيمن تتنازل عن فكرتك وليه ما أخدوهاش كلها على بعضها منك، طبعا مع احترامي للي كاتب واللي مثلوا كلهم أكتر من ممتازين رائعين طبعا، لكن خدوا كتابتك لسكة تانية خالص.
واختتمت حديثها: أنت كاتبه بحرفية، الحقيقه أتمني بعد كده تدي الفكرة بالقصه والسيناريو والحوار.. وحقيقي مش هيندموا وصرّ أرجوك اصبر، وبرافو ومبروك يا أيمن وعارفه إن أحيانا بنضطر لبعض التنازلات غير المهينة لتمشية الحياة، اللي اقدر أقوله حقيقي ربنا معاك.