روى شخص يدعى ع.ح قصة مر بيها مع خطيبته بعد ان فرقت بينهم والدتها وقررت الزواج لابنتها من عريس اخر ونشر عبر صفحتها الرسمية بموقع التواصل الاجتماعي “فيس بوك”
وعلق قائلاً : “البوست ده مش عشان حد يواسينى او يقولى معلش.. البوست ده بكتبه فضفضه عشان حاسس انى خلاص هموت ومش طايق اى، حاجة فى الدنيا.. البنت اللى قلبى اختارها واكتر بنت حبيتها فى حياتى كلها واللى من ساعة ما ظهرت فى حياتى وانا حرفيا بقيت شايف كل حاجة حلوة”.
وتابع قائلاً: “فكرة ان ربنا يبعت لك حد يحبك من قلبه بجد دى اكبر نعمة فى الدنيا ، انه يبعت لك حد يبقا معاك فى الحزن قبل الفرح ويبقا هو فعلا كلدنيتك دى مش حاجة صغيرة.. المشكلة الاكبر ان اهلها هم اللى فرقونا عن بعض وبالاخص امها ، امها اللى كانت بتقولى انت ابنى وانى مش هتطمن على بنتى غير معاكانت عشان انت فعلا بتخاف عليها وبتحبها من قلبك بجد ، كانت دايما تقولى انا بحب حبكم لبعض اوى ومش هرتاح غير لما اشوفكم مع بعض”
وأضاف قائلاً: “فجاة امبارح لقيتها بتقولى ابعد عن بنتى ، الصدمة مش هنا الصدمة الاكبر انها اتفقت مع عمها وراحوا كلموا شخص كان متقدم لها زمان وقالوله تعالى دلوقتى هنكتب الكتاب وخدها معاك وروح بيتك الصدمة الاكبر ان البنت دى وقفت قدام عائلتها كلها وهم بيجبروها تمضى عقد الجواز ورفضت واستحملت كمية ضرب مفيش بشر يتحملهاومش بس كده”.
وأشار قائلاً: “لما لاقوها رفضت تمضى راحوا ادولها منوم ومضوها وهى مغيبه والعريس خدها ومشى انا ماليش غير ربنا فى الدنيا دى ادعيله بس لو حد يعرف يوصلنى بحد من حقوق الانسان يكلمنى اهلها اللى اجبروها دوول لازم يتحاسبوا الماذون اللى وافق بالمهزله دى تحصل عشان خاطر يبقا زميل عمها لازم يتحاسب كل اللى ليه يد فى الجريمة دى لازم يتحاسب
ةأوضح قائلاً: “اسمها اسماء وجيه ندى ( عائلة ندى) فى طنطا من طنطا منطقه الاستاد خالها فؤاد حسب الله عضو مجلس الشعب عن قطور.. انا مفيش فى ايدى حاجة اعملها بس قررت افضحهم عشان كل الناس تعرف مصيبتهم اللى عملوها دى .. ساعدوني بالله عليكم ووصلونى بحد يساعدني نوقف اللى بيحصل ده”.