وجه الرئيس عبدالفتاح السيسي، رسالة عتاب إلى وسائل الاعلام، موضحاً أنه كان يتمنى من الجهات الاعلامية أن تتناول الرد على مقال “نيوتن” حول سيناء بسياق إقتصادي.
وقال الرئيس السيسي على هامش إفتتاح عدد من المشروعات التنموية في منطقة شرق القناة، “كنت أتمنى يعني من الإعلام والكل هاجم وقالوا دا شغل..، البيانات دي متاحة وعلى موقع الرئاسة، كل كلمة موجودة على الموقع، عايز تخش وتتكلم وتعمل سياق اقتصادي، وتقولوا للناس، اللي عايز يتكلم على سيناء، إحنا بنعرض اللي عملناه، لو عندك زيادة وتقدر تقولي الموارد هتجيبها منين، هبقى سعيد وأسمع منك وأستفيد”.
وأكد الرئيس عبد الفتاح السيسي أن تكلفة البيت الريفي الواحد في سيناء يبلغ 2.4 مليون جنيه مقارنة بعدد السكان بسيناء.
وأضاف الرئيس، “هناك 60 ألف كيلو متر مربع في سيناء.. إحدى المقالات تحدثت عن سيناء وإمكانية وهناك من طرح أفكارًا لها وكل الكلام مقدر، ومحدش أبدًا لما حد يتكلم يقول له أهدافًا.. ولكن كنت أتمنى إن كل اللى عاوز يرد علي أى حاجة يكون على علم بما نقوم به خلال الفترة الماضية فى 6 سنوات ماضية.. ماذا فعلنا فى سيناء، صرفنا أموالا هائلة.. 60 ألف كيلو متر مربع، يعنى 6% من مساحة مصر.. ملتزمين بتعمير سيناء، والأمن القومى لا يقدر بمال”.