أكد الرئيس عبد الفتاح السيسي، أنه سيتم الانتهاء من أزمة الدولار، خلال لقائه مقاتلى القوات المسلحة في ذكرى نصر العاشر من رمضان.
السيسي للمقاتلين بشرق القناة: الدولار هيبقى تاريخ نتكلم عنه
وقال السيسي: «حتى الدولار بفضل الله وجهدكم هيبقى تاريخ نتكلم عنه، بس لازم نتعب ونعرق ونشقى ونخلص كل المشاكل، وتجمع الجنود مع الضباط هنا لازم تتكملوا في الموضوعات المهمة وتعرفوا إن لو فيه أزمة إزاي تتحل وإيه أبعادها، وإزاي نحل مشاكلنا ومشاكل زملائنا».
اوعوا تضيعوا وقت غير في بناء الجسم والعقل
وتابع الرئيس عبد الفتاح السيسي: «لازم برضو نكون منتبهين واوعوا تضيعوا وقت غير في بناء الجسم والعقل والفهم والتدريب، عشان بعد فترة الجيش تكون اتعلمت واستفادت بشكل كبير، وفي ساعتين الخدمة نعتبرهم تدريب وواقفين منتبهين جدا، وأنا قلت الكلام ده وأنا وزير عشان نبني رجال مقاتلين أشداء، ومن ضمن البناء بناء الجسم والعقل، لازم نتكلم كلام مفيد مع بعضنا ومنخافش من حد».