مدح الرئيس عبدالفتاح السيسي، رئيس الجمهورية، صفات وخصال المراة المصرية، قائلا: “الست المصرية إنسانة رقيقة وحساسة جدًا.. وإحنا كرجالة مش بناخد بالنا من الحاجات دي.. ربنا خالقها كدة”.
السيسي يكرم المرأة المصرية
وأضاف الرئيس: “وإحنا لو فهمنا ده الرجالة يعنى أقصد الرجالة.. هما لو فهموا كويس إنه يخلي باله من كلمته وتصرفه فى أي مرحلة عمرية.. يعني لو خد باله في التعامل في البيت مع أهله ومع الزميلات حتى في العمل.. هيحصل رد الفعل غير المتوقع بالنسبة للرجل”.
وتابع الرئيس السيسي مداعبا الرجال بقوله: “لازم الراجل يطبطب عليها ويخلي باله في التعامل مع الست، ولو حصل حاجة ياخدهم في جنابه ويسكت يعني”.
وهنأ الرئيس عبد الفتاح السيسي، المرأة المصرية خلال كلمته باحتفالية المرأة المصرية والأم المثالية لعام 2023، بالقول: “أهنئ المرأة بمناسبة اليوم ده وبمناسبة شهر رمضان الكريم.. كل سنة وأنتم طيبين ومصر والعالم كله بخير”.
ومازح الرئيس السيسي الحضور خلال الاحتفالية بيوم المرأة المصرية قائلا: الرجالة زعلانة جدا مش عارف ليه؟.