قال الرئيس السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة، أن الناس فاكرة الدين بيخاطب الضماير بس.. الدين الحقيقي له نُظم، والدولة اللي متخليش بالها وتعمل نُظم تحقق مقاصد الدين.. يبقى عندها شكل من أشكال القصور.. الدولة لا بد أن تأخد اتجاهًا، وتعمل قواعد وإجراءات عشان الناس تفهم يعني إيه دين حقيقي.. الضماير ربنا هيحاسب عليها، بس الدولة مسئولة تعمل قواعد ونُظم تحقق المقاصد الطيبة.
وقال الرئيس عبد الفتاح السيسي، رئيس الجمهورية: بقول لإخواتنا المزارعين، لو الأسعار بتاعة الغاز اللي داخلة في صناعة الأسمدة بتتسعر زي السعر العالمي، الثمن هيكون حاجة تاني خالص، وإحنا بنسعى للاستقرار في مدخلات الزراعة.
وأضاف الرئيس السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة: المزارع لما ياخد الغاز بسعر عالي هيعلي المنتجات، يبقى المواطن هيلاقي حاجته بأسعار غالية جدًا، وكل كلمة بقولها لكم ممكن تبقى عنوان كبير وتتكلموا في كتير جدًا.
وتابع السيسي: عارفين يعني إيه المنتجات الزراعية بتاعة الناس تزيد أسعارها مين هيستحمل ده، والبلد بتحاول أن تحافظ ما أمكن أن الأسعارما تزِدش.. اوعوا تفتكروا إننا مش حاسن إن الأسعار حمل على الناس، بس والله ما فيه أكتر من كدة نقدر نعمله.