علق الرئيس عبد الفتاح السيسي، خلال مداخلة هاتفية في برنامج “من مصر” الذي يقدمه الإعلامي عمرو خليل، على السيدة محروسة، صاحبة الـ42 عاما، والتي تعمل على تروسيكل، وتتحدى إعاقتها، على مطالبها بالتواصل معه وامنيتها بالتحدث إلي.
وقال الرئيس السيسي: «رضاكي يا بنتي هو الأمل اللي عندي، أكون سبب في إرضاء الناس وسعادة الناس، ربنا يعلم، هي دي الأمنية اللي عندي وده الحلم، ليس على الله كثير، وهو ليس عليه هين، هي تطلب وتؤمر واحنا ننفذ».
وتابع: «ربنا يخليكي يا سيدة محروسة، ويكرمك في أولادك، وتفرحي بأحمد ابنك، ويبقى ضابط قد الدنيا، رسالتها واضحة، هي تحدت ظروف صعبة جدا، تحدت ظروفها الشخصية وولادها اللي بيتعلم، أقبلت على الدنيا بإرادة طيبة».
وتابع رئيس الجمهورية: «ربنا وفقها وخلاها ترضى، خلاها تبقى راضية، الرضا ده أهم شيء، الرسالة وصلت لكل الناس، مش محتاج مني أقول حاجة لحد، بقول للناس كلها ولنفسي أتفرج وشوف، ربنا يكرمك ويعينك ويراضيكي ويعوض عليكي، ودعواتك الطيبة لينا من فضلك»، فيما ردت السيدة: «دي ليله القدر بالنسبة لي».