شدد الرئيس عبدالفتاح السيسي ، على أهمية التنسيق مع مصانع القطاع الخاص، من أجل تعقيم وتطهير أماكن العمل للحفاظ على أمن وسلامة المواطنين.
وأضاف الرئيس السيسي: “هنعمل ترتيبات وإجراءات بالتنسيق مع أصحاب المصانع حتى نضمن السلام والأمان وعمليات التعقيم والتطهير والفحص عشان يبقى الموضوع يحقق الهدف منه دون خسائر”.
وشدد الرئيس السيسي على ضرورة التصدي للبناء المخالف، حيث قال: “بمر مرور خفيف في أوقات غير متوقعة وبشكل هادى، فوجئت بناس بتبني وبقول الكلام ده للمحافظات ومحافظة القاهرة وهدى مثال واضح مصرف الطوارئ كان عبارة عن منطقة مخلفات وناس عايشة بشكل لا يليق عملنا إسكان ليهم وسكناهم فيها وعملنا محور عشان يخلي الناس تطلع على الدائري بسهولة وفجاة القي الناس بتبني بشكل فين التخطيط والرخص للكلام ده”.
وتابع الرئيس السيسي: “دا كلام خطير أوعوا حد يتصور أن الدولة مشغولة في المواجهة مع فيروس كورونا دي احنا بنحل مسائل من سنين في التعدى على الأراضي ومش هنقبل كده”.