قاطع الرئيس عبد الفتاح السيسي، كلمة السيد القصير، وزير الزراعة أثناء جلسة جلسة “التحول الرقمى وحوكمة قطاع التموين” ضمن فعاليات اليوم الثاني لمؤتمر “حكاية وطن”.
وقال الرئيس: «نتكلم فى الكميات، أنا كاتبها قدامى، فى حاجات أنت مش حاططها ليه؟ الـ60 ألف فدان مابيتحسبوش عندك؟ أنت قلت توشكى وشرق العوينات وسيوة، فين بقى كوم أمبو؟»
وأضاف: «أنت فى الأرقام اللى ذكرتها فى تكلفة الاستصلاح قلت الفدان بيتكلف 250 ألفا وأنت بتتكلم فى 4 ملايين فدان، يعنى تريليون جنيه، أنت كاتبهم ليه قليل كده؟».
وتابع: «بتتكلم فى 4 ملايين فدان، معالى الوزير عارف كويس أوى حاجته بصراحة يعنى، بس هو بيتكلم عن اللى هيدخل حيز الإنتاج خلال العام الزراعى دا هو اللى عاوز يتكلم عليه، إحنا بنتكلم على اللى إحنا مخططينه خلال بالكتير سنة ونص أو سنتين».
واستكمل: «لو بتتكلم عن إنك تضيف 4 ملايين فدان فى أرض ظروف مصر فيها، معندناش مياه ممطرة على مدار العام 8 أو 9 أشهر أى حتة هنصلحها تزرع زى ما أنت ذكرت علشان نعمل فى توشكى المشروع بتقول حائط صخرى، الـ7 كم، وفضلوا موقفين المشروع العشرين سنة اللى فاتوا، ليه متقولش تريليون جنيه، إحنا مبنقولش حاجة أبدا مش صادقة، الرقم اللى قلته فى الأول أنا اتخضيت، قلت مش عاوز يقول الفلوس ليه؟».
وحضر الرئيس السيسى جلسة بعنوان «التحول الرقمى وحوكمة قطاع التموين»، فى إطار فعاليات اليوم الثانى من مؤتمر «حكاية وطن.. بين الرؤية والإنجاز»، المنعقد بالعاصمة الإدارية الجديدة. وذلك بحضور الدكتور عمرو طلعت وزير الاتصالات وتكنولوجيا المعلومات، والسيد القصير وزير الزراعة.