رحّب الرئيس عبدالفتاح السيسي، بأمهات شهداء «مثلث القيادة» ضمن فعاليات الندوة التثقيفية الـ37 للقوات المسلحة احتفالية «يوم الشهيد»، وقال: «أهلًا وسهلًا بيكم.. شرفتونا».
وردّت والدة أحد الشهداء: «ده الشرف لينا إحنا، ده كرم من عند ربنا، ربنا كرّم العباد بالشهادة، ولا تحسبنّ الذين قتلوا في سبيل الله أمواتًا بل أحياء عند ربهم يرزقون».
وتابعت والدة شهيد: «الدنيا مش مستاهلة طولها زي عرضها، ولادنا كرّمونا في الدنيا، وكرّمونا في الآخرة وفخر لينا، ابني كان كاتب في الأجندة، عاوز استشهد في سيناء، وربنا نولهاله».
ووجه الرئيس عبدالفتاح السيسي، كلمة إلى أمهات شهداء “مثلث القيادة”، الرائد مصطفي حجاجي مساعد الدفعة 103 حربية، والرائد محمد علي العزب مساعد الدفعة 104 حربية، والرائد عماد الدين أبو رجيلة حامل العلم.
وقال الرئيس السيسي خلال الندوة التثقيفية الـ 37 للقوات المسلحة: “من كام سنة كانوا بيقولوا هو إحنا هنقدرعلى الإرهاب؟ والحمدلله تحقق الحلم ده بفضل الله وبفضل أولادكم الشهداء وبفضلكم إنتوا كأسر ربت أبنائها وقدمتهم للوطن”.
وأضاف: “الثمن اللي مش هننسى حقيقي إننا نخلي بالنا من البلد دين والخراب اللي شفناه ميتكررش تاني، مش بقى بالجيش والشرطة لا بكل المصريين”.
ويشهد الرئيس عبدالفتاح السيسي، فعاليات الندوة التثقيفية، الـ 37 للقوات المسلحة، تحت عنوان “الثمن”.