أستغل كلًا من مطرب المهرجانات حمو بيكا وعمر كمال أزمتهما، للترويج لـ أعمالهم الفنية، وطرح الثنائي اليوم أعمال غنائية جديدة، حيث طرح عمر كمال أغنية البنات بمشاركة كوكسال بابا، وطرح حمو بيكا أغنية صعبة بمشاركة نور التوت، وعمر كمال.
ويأتي ذلك بعد أزمة الثنائي مع النقابة، وأزمة حمو بيكا مع المرض، حيث كان قد أعلن مطرب المهرجانات حمو بيكا مؤخرًا عن إصابته بمرض الكرونز، وبعد أن التفت الأنظار حوله وتعاطف الجمهور معه طرح أغنية صعبة.
ولكن ما لفت أنظار الجمهور أن حمو بيكا كان قد أعلن مؤخرًا عن حدوث أزمة كبرى بينه وبين عمر كمال، ولكن لاحظ الجمهور ظهور عمر كمال معه في أحدث ظهور، وجاءت تعليقات الجمهور، كالتالي: “أنت مش قولت متخانقين.. مش هنسمع لا”، “هو انت مش كنت تعبان ولا هي دعايه للأغنية”.
حمو بيكا يجدد الخلاف مع عمر كمال
من جانبه كان قد جدد حمو بيكا خلافه مع عمر كمال: “قابلته امبارح في عيد ميلاد حد اخونا، ومعرفة مشتركة بينا، قولتله عاوزين ننزل الأغنية بكرة وانت بس ترفعها عندك وتقول للناس اسمعوا الأغنية الجديد وخلاص، قالي تمام ماشي، وكان فيه ناس شاهدة على الكلام ده، لكن جيت رنيت عليه بعدها فوق الـ 6 أو 7 مرات مردش عليا.. أنا أصلا عملتله بلوك من عندي”.
واتهم حمو بيكا عمر بالتكبر والتعالي بعد الشهرة: “انت لما ربنا عطاك بقيت تتكبر وتشوف نفسك على الناس، هو لسه ربنا معطكش أوي يعني.. انا بقى مش من الناس، أنا كنت أول حد عملتك أغنية والناس عرفتك بيها، يعني ربنا ثم أنا”.
ووجه إليه رسالة، قائلًا: “انجح بنفسك وبطولك ومتخليش حد ينجحك، وريني مهاراتك، لأن كل الناس في المجال عارفة انت ايه”.
واختتم حمو بيكا: “يا خسارة العيش والملح اللي كلتوا معاك، أنتوا مينفعش معاكوا الإنسان الطيب، ومتفكرش لما أنت مش هتشير الأغنية دي أنها هتروح، أنا ممكن أخش امسحها دلوقتي ولا يهمني، وارميها في الزبالة.. مع السلامة يا صحاب مزيفة