أطلقت “زهرة، والمعرفة بفتاة التحرش في مدينة المنصورة، قناةً باسمها على موقع يوتيوب، وذالك للرد على منتقديها والمتطفلين على حياتها الشخصية حسب وصفها.
وأوضحت زهرة أنها تقصد بعبارة “أنا مبسوطة إني حصلي كده”، في مداخلة لها مع الإعلامي عمرو أديب أنها كانت تقصد “لم تكن تتمنى أن ترى أي بنت أخرى هذا الموقف، وأنه حدث لها لأنها قوية وقادرة على المواجهة”. مضيفة: “الناس بتصطاد في الميه العكرة، أنا أقصد إن الموقف صعب ويارب محدش يشوفه أبدا”.
وأضافت: “لو شايف إن لبسي غلط تروح تكشف عن دكتور لأنك تعديت ليفل التخلف، لو شايفني لازم أتكلم وأنا متأثرة ومنهارة، فمش مهم تعاطفك خالص، واللي يهمني الناس اللي تقف معايا، ربنا العالم اللي فيا وفي نفسيتي”.
وتابعت: “لم يتبرأ مني أهلي مثلما تردد ونتواصل ولن نترك حقي.. عيب بجد اللي يتكلم عن لبسي كلنا بنغلط.. وأنا اللي مجني عليا، اعتبرني أختك أو بنتك عيب تتكلم عليا كده، عار على أي حد ولو شايف إن ده دِين فعار على الديانة بتاعتك”.
واستكملت: “كل اللي مغلطني على لبسي، معلش يا حبيبتي إنتي نفسك تلبسي زيي بس فيه اللي منعك، وهناك اللي بيعمل حاجات أسوأ من كده، وكلنا بنغلط”، مؤكدة عدم وجود أي إدانة لها بل هي المجني عليها.
وأمرت نيابة قسم أول المنصورة، إخلاء سبيل 9 شباب مشتبه بهم في واقعة التحرش الجماعي بفتاة المنصورة ليلة رأس السنة في منطقة حي الجامعة، ظهروا في فيديوهات كاميرات المراقبة التي رصدت الواقعة، حيث استدعيت الفتاتان ولم تتعرفا على أي منهم.
وكان قد خرج 7 متهمين في قضية التحرش بفتاة المنصورة ليلة رأس السنة، من قسم أول المنصورة، الثلاثاء، وتسلموا كافة متعلقاتهم، وذلك عقب انتهاء الإجراءات والفحوصات اللازمة لإخلاء سبيلهم وتنفيذ قرار النيابة العامة.