بعد حالة الجدل التى أثارتها المطربة إيناس عزالدين بعد إعلانها إصابتها بفيروس كورونا المستجد، علقت الممثلة إيناس عز الدين فى تصريحات صحفية، قائلة: “إنها كانت لا تحب أن تتحدث في الموضوع ده لولا تشابه الأسماء بينهما، ولكن تشابه الأسماء بيننا بهذا الشكل جعلني أقرر توضيح الأمر بشكل، خاصة أن هذا الموقف من بداية غلط”.
وأضافت: “ليه تعمل الشوو طالما التحاليل مش اتأكدت كذا مرة أن عندها، ما كلنا عندنا أعراض البرد وعارفين إن احنا مش ناس جاهلة، في ظل الظروف اللى احنا فيها دى والخوف كلنا بنحاول نحمى بعض وإيد واحدة البلد مش ناقصة”.
وتابعت: “الغرض سئ جدا، أنا مش قادرة اصدقها، ازاى تعملى كده ملعون الشهرة اللى تجعل الإنسان يدعى المرض كده بشكل ده، أول ما شوفت لايف بتاع إيناس محسيتهاش، الفيروس ده ليه أعراض كبيرة جدا، أنا مش بحب أقلل من حد وبحب الناس هى اللى ترد لأن دى مواقف حساسة بالنسبه ليا وبتسبب مشاكل كتير ليا”.
وأوضحت: “أول ما سمعت الخبر أنا اتخضيت، كل الفنانين واصحابى اتصلوا بيا افتكروا انى اتصبت، وطول اليوم امبارح الناس تكلمني، مش قادرة من كمية التليفونات”.