قالت إنجي المقدم: «أنا وجوزي بنتكلم دايمًا في الأدوار قبل ما أعملها، ونتناقش ومش بعمل حاجة غير لما اتكلم مع جوزي ونتوقع ابعادها وبنحط الخطوط مع بعض ومش باخد قراراتي لوحدي».
وأضافت: «جوزي مكنش موافق اني امثل واحنا صغيرين، بس دلوقتي هو بيشجعني وبيدعمني وباخد رأيه في كل الأدوار قبل ما اعملها ومش باخد قراراتي لوحدي».
وتابعت: «كنا مش فاهمين الوسط الفني وقلقنين منه وكنا بنسمع الشائعات وكان بالنسبة لينا مجهول وكنت خايفة منه وتأثره على حياتنا الشخصية وجوزي مكنش حابب وبعد كده الظروف اتغيرت وهو شاف اني عندي طاقة حابه انها تطلع وجربت وهو بدا يقتنع وشاف اني اتغيرت وبقي سعيدة اني بحقق حلم والموضوع مش وحش وبنتكلم مع بعض في كل الادوار وبيشجعني جدًا».
وكشفت إنجي المقدم عن سبب ابتعادها عن العمل كـ مذيعة، حيث قالت: «بدأت التمثيل وأنا مذيعة واخترت التمثيل وسيبت المذيعة عشان كنت عايزة اركز، وفي الأول كنت ارفض ارجع اشتغل مذيعة وكنت بشتغل 5 ايام على الهوا ومكنش عندي وقتي ومكنتش عارفه احقق حلمي في التمثيل بس لو جالي فكرة أنا حباها».