كشفت الفنانة القديرة والإعلامية إسعاد يونس، عن مفهوم الفشل، وذلك خلال برنامج «كتاب حياتي».
وقالت: «الفشل انك متنجحيش بعده بمعنى لو بصينا لقوانين الشركات الناشئه بتقول انك لازم تفشلي مرة واتنين وتلاته عشان تنجحي لو نجحتي من أول مره يبقى مخدتيش الدرس وقد تكون الصدفه لعبت معاكي دور كبير».
متابعة: «الفشل اهم عناصر التعلم والنجاح فأنا لو فشلت فأنا فشلت عشان ادرس أسباب انا ليه منجحتش ؟ انا فشلت ازاي؟ مش عشان اقعد اعيط ..الفشل بيديكي خبرة ..كل صراع ف الحياة بيعلمنا حاجه انتي حتى لما حد يعمل معاكي موقف واتنين علموا فيكي انتى بعدها بيبقى عندك خبرة عنه عرفتي تركيبته».
إسعاد يونس: لو الفشل خلاكي اتكـسرتي يبقى كده وسعتي دايرة الحـاقدين
مضافة: «الأزمات بتعرفنا الشخصيات وتخلق خبرات حقيقيه متراكمه والا كنا هنشوف الناس ملايكه بأجنحه ومهم انك متبينيش للناس انك مهزومه لان لو الفشل خلاكي اتكـسرتي يبقى كده وسعتي دايرة الحـاقدين والحاسدين والشامتين فتبقى زودتي ع نفسك عبء انك بقيتي مقهورة .. فمتديش للي حواليكي سلاح يـهدوكي بيه ..الناس بتحب ال winner اللي راسه مرفوعه حتى لو سوري شحات وهي دي مدرستي في الحياة».