عبر الفنان بيومي فؤاد عن شدة حزنه من الهجوم الحاد والانتقادات التي تعرض لها أبطال مسرحية زواج اصطناعي، موضحًا إلى أنهم لا يقدمون ضحكًا بل يقدمون فنًا.
وقال بيومي فؤاد في نهاية عرض مسرحية زواج اصطناعي: أنا وكل زملائي دول إحنا بنحبكم وهنفضل طول عمرنا نحترمكم.. كتر خيركم.. إحنا بنتعب وبنقدم فن مش عشان نيجي نضحك.. لو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا.. تحياتي لحضراتكم أنا آسف.
تصريحات بيومي فؤاد
وتابع بيومي فؤاد: إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.
وكان علق الفنان بيومي فؤاد، على اعتذار الفنان محمد سلام عن موسم الرياض بمسرحية زاوج اصطناعي، وذلك دعمًا منه لأهالي غزة، وتم استبداله بالفنان محمد أنور.
وقال بيومي فؤاد في نهاية عرض مسرحية زاوج اصطناعي: جيت المملكة العربية السعودية وليا الشرف.. عشان نقدم فننا مش جايين نضحك.. أحنا نحترمكم شيء عظيم إن الفنان يبقى له جمهور في كل الدول.. شيء عظيم إني اتصور مع شاب سعودي أو سيدة سعودية.. أنا بشرف بلدي.. من حقك تعتذر عن المسرحية لكن مش من حقك تغلط في فنك.