نشر إبراهيم سعيد لاعب الأهلي والزمالك ومنتخب مصر الأسبق، فيديو يهاجم فيه رضا عبدالعال المدير الفنى لفريق طنطا، بعد المشاحنات التى حدثت بينهم مؤخراً.
وقال إبراهيم سعيد فى الفيديو الذى نشرة عبر حسابة على موقع التواصل الاجتماعى “تويتر”: “رضا بقاله يومين عمال «يحزق» وانا خارج ارد واوضح كام نقطة، ويوم المداخلة هو سمع على مزاجه الكلام اللي عاوزه، يوم مداخلة اسلام صادق وهو بيقولى على موضوع الماسك الحاجات دى بتعجب الجماهير وانا رديت وقولتله احنا مش فى مسرح مصر”
وتابع”يارضا يا عبدالعال انا اول واحد كنت جمبك بعد ماتش اف سي مصر، كان الكل مطلعك تريند وكله بيتريق عليك وانا اتمينت لك التوفيق عشان عاوز أشوف وجه جديد في الدوري المصري هذا الموسم.
وأكمل: “في مباراة الزمالك معجبنيش ترف معين واتكلمت عليه، وجينا في ماتش الأهلي الحمدلله كل الناس اللي عندي على تويتر وعلى السوشيال ميديا تشهد بإني اتكلمت عليك كويس وقولت انك عملت مباراة هايلة وليك أجواء كويسة جدا جوه الملعب”.
وكشف “سعيد”: “تفاجئت امبارح من إسلام صادق ومن قبله إبراهيم فايق لمحاولة تهدئة الأجواء، وانا هادي عليك لحد آخر لحظة، واتفاجئ النهاردة الناس بعتالي كلام منك معرفش انت بتهرتل ولا انت شايف إيه بالظبط، أولا أنا مبجيش بالطريقة دي خالص وروحت قولت لفايق انك مش عاوزني معاك في استوديو واحد، ياعم عنك ما كنت موجود، هو انا قاعد مع مين مش فاهم بصراحة، انا اللي بيني وبينك كله شغل”.
واختم “إبراهيم سعيد” قائلاً: “أنا مش هطبطب عليك حضرتك، لما كنت كويس طلعت وقولت عليك كويس ولما كنت وحش قولت عليك وحش، هي دي كل القصة وانا مش هطبطبلك وانت بنفسك ياما انتقدت ناس وزعلت ناس كتيره جدا، ودا الاسلوب العادي يعني، أما بقى لو هتتكلم على شعري أو هتتكلم عني فني أنت عارف يا كابتن رضا او يا رضا يا عبد العال مين هو إبراهيم سعيد”
الرد علي عم رضا عبد العال
1 pic.twitter.com/DQi6xuYaOE— ibrahim saeed Hema(4) (@IbrahimsaidAdam) September 28, 2020
بطل حزء بقي
واهدي pic.twitter.com/UNjyAyJpJA— ibrahim saeed Hema(4) (@IbrahimsaidAdam) September 28, 2020
حظك اقسم بالله يا عم رضا عبد العال
اني مشفتكش ولا سمعت كلامك عني قبل مداخلتي معاكم في الوقت كله كان بيهديني عليك
قوم صلي ركعتين شكر لله
بقي pic.twitter.com/lgaqXNHEY4— ibrahim saeed Hema(4) (@IbrahimsaidAdam) September 28, 2020