علق مؤدي المهرجانات الشهير عصام صاصا، على أزمته الأخيرة، والتي حدثت صباح أمس، بعد دهسه لـ أب 4 أطفال حادث دائري المنيب.
وكتب عصام صاصا عبر ستوري حسابه الشخصي بموقع التواصل الإجتماعي لتبادل الصور والفيديوهات «إنستجرام»: «الحمد له على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت».
عصام صاصا: اللي أنا فيه مش سهل.. وهوضح كل حاجة
متابعاً: «ربنا يصبر أهله ويرحمه وشكرا لكل اخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا».
مضافاً: «أنا طبعا ليا حق الرد بس أنا فعلا تعبان جدا واللي أنا فيه مش سهل، ياريت تقدروا ده ولما أحس إني بقيت أحسن شوية، هوضح كل حاجة».