كشف الفنان الشاب أوس أوس تفاصيل أعمال الفنية القادمة، وأسرار عن حياته الشخصية تُعرض لأول مرة.
وقال أوس أوس خلال حواره ببرنامج الحكاية الذي يقدمه الإعلامي عمرو أديب عبر فضائية Mbc مصر: بإذن الله هشتغل على خطوة جديد في السينما، ولو عملت مسلسل هيبقى 10 حلقات، والأهم بالنسبالي في حياتي السينما، ومحتاج أشتغل 20 سنة ورا بعض علشان أوصل لبيومي فؤاد.
وأضاف: لسه ببتدى ومش في حساباتي البطولة، أحسن حد في جيلنا هو علي ربيع في مسرح مصر، وسبقنا في الخطوة، لكن إحنا محتاجين لسه شوية.
وتابع: فيلم مستر إكس قعدنا سنة شغالين على الورق وعلى كل مشهد، فـ لما جينا نصور بقينا مش بنعدل حاجة، مجرد شوية إفيهات ممكن تتضاف بس، فـ ده فادنا جدًا عشان الشغل أصلا جاهز على الورق، وبقالنا كتير مش بنعمل أعمال كوميدية كبيرة، ومستر إكس فيلم مصروف عليه فعلا.
فيلم مستر إكس
يشارك في بطولة فيلم “مستر إكس” عددكبير من نجوم الفن، أبرزهم أحمد فهمي، هنا الزاهد، أوس أوس، بيومى فؤاد، محمد أنور، محمود حافظ، رحاب الجمل، أمير شاهين، الفيلم قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب.