روجت الإعلامية منى الشاذلي قبل أيام لـ حلقة رأس السنة من برنامج “معكم” الذي يعرض عبر قناة “cbc” الفضائية من الاربعاء إلى الجمعة في تمام الساعة 9 مساءً،
وتسضيف الإعلامية الفنان “تامر حسني” في حلقة رأس السنة وشاركت متابعيها مجموعة صور من الكواليس عبر صفحتها الرسمية بموقع تبادل الصور والفيديوهات “إنستجرام”.
وعلقت قائلة: “في سهرة رأس السنة النجم الاستثنائي الفنان تامر حسني.. هيبدأ معاكم 2022 بحلقة مميزة مع منى الشاذلي”.
أوان مصر تكشف كواليس حلقة تامر حسني مع منى الشاذلي
وكشفت مصدر مطلعة لـ أوان مصر عن كواليس الحلقة بعد ان أعلنت منى الشاذلي عن وجود العديد من المفاجئات، قائلاً: هيكشف انه بيعرف يقلد الاصوات .
وهيقول ان فيلم مش انا فيه مشهد اتكلم مكان سوسن بدر وقلد صوتها ومحدش خد باله ..في المشهد اللي تامر اتضرب فيه في الشارع ولما طلع لسوسن بدر ولاحظت انه اتضرب وقالتله فين جاكتك يا حسن .. دة كان صوت تامر مش سوسن بدر وقلد صوتها في المشهد .
وتابع: اما المرة التانية اللي قلد فيها تامر صوت حد .. كان في أغنية راجعين ليه اللي غناها المفروض مع بهاء سلطان :تامر حسني هيكشف ان الأغنية دي بصوته هو .. وهو اللي عامل صوت بهاء وصوته .. وان السبب في كدة ان بهاء سلطان اتاخر عليه يوم تسجيل الأغنية في الاستوديو فقرر يسجلها هو بصوته وبصوت بهاء سلطان وقلده وعجبت بهاء سلطان فعلا ونزلت .