أعادت الفنانة حنان ترك التأكيد على أنها ليست داعية إسلامية، وأنه درست العلوم الشرعية على سبيل النجاة وليس على سبيل الدعوة.
خرجت الفنانة حنان ترك في بث مباشر على صفحتها الرسمية بموقع التواصل الإجتماعى “فيس بوك”، منوهة أنها هي الصفحة الوحيدة الخاصة بها.
وقالت الفنانة: أولا سياسيا أنا جاهلة جدا ومعنديش وعى سياسى أنى اعرف أقول اعملوا حاجة او متعملوش ومعنديش الثقافة اللى تخلينى أنظر سياسياً، أما بالنسبة للدين قلتها زمان وهاقولها تانى أنا درست علوم شرعية على سبيل النجاة لا على سبيل الدعاء، والدعوى دى موضوع كبير جدا ومحتاج علم وفقه مش أي حد يقدر يعملها، أنا فين والكلام الكبير ده فين”
وتابعت حنان ترك: أى حاجة نزلت على لسانى ويقولوا حنان قالت فتوى وإن ربنا غضبان على فلان، أنا مليش علاقة خالص، أنا لا بحرم ولا بحلل ولا الكلام ده له أى علاقة بيا، وأنا مقدرش افتى في دين ربنا، وده له ناسه، ونصيحة لكل الناس، لما تحب تاخد نصيحة خدها من أهل العلم والناس المسؤولين عن الفتوى ومصرح لهم بها
وأكدت على ضرورة أخذ الفتوى من أصحابها فقط، وليس الارتكان على من هم ليس أهلًا للدعوى.