كتبت/ سارة إبراهيم
روّجت الفنانة المصرية أمينة خليل لفيلمها الجديد “توأم روحي”، والذي من المقرر عرضه غدا الأربعاء 19 أغسطس، ويشاركها بطولته الفنان حسن الرداد، والفنانة عائشة بن أحمد.
نشرت أمينة ثلاثة بوسترات مختلفة للفيلم، على حسابها بموقع “انستجرام”، وعلقت قائلة: “١٩/٨/٢٠٢٠ توكلنا علي الله.. يارب يعجبكم الفيلم.. انا الفيلم ده له مكانة خاصة جداً في قلبي.. يارب يسعدكم زي ما احنا كنا سعداء واحنا بنصوره”.
وأضافت: “أنا متحمسة علي الفيلم ده فوق ماتتخيله.. شكر كبير اوي اوي للرجل العظيم احمد السبكي، وكل آل السبكي اللي دعمه الفيلم ده.. شكر قد الدنيا للمخرج الفنان عثمان ابو لبن علي مجهوده ورؤيته وحبه في السينما”.
وتابعت: “شكراً للفنان المحترم الجميل الصديق حسن الرداد.. شكراً للجميلة عايشة بن احمد.. شكراً لكل حد اشتغل علي الفيلم ده بأي شكل.. من قلبي، يارب يعجبكم يا احلي جمهور و تنبسطوا بيه وتفرحولنا.. في السينما يوم ١٩/٨/٢٠٢٠ انتظرونا.. هنحكيلكم قصة حب”.