نشرت المطربة الشعبية أمينة، صورة لوالديها وشقيقتها الكبرى الراحلين، لاستعادة ذكرياتها مع والديها وشقيقتها الكبرى التي كانت تعتبرها والدتها الثانية، موجهة لهم الدعاء تزامنا مع يوم عرفة.
ونشرت أمينة، عبر حسابها الخاص بموقع التواصل الاجتماعي لتبادل الصور والفيديوهات «انستجرام»، وعلقت: «أختي النهاردة بقالها ٣ سنين متوفية كإنهم تلات أيام مش هتكلم كتير بس هقولكم يا رب تكونوا فعلًا بتحسوا بينا وبكل اللي في قلبنا ليكم كل أما بكبر بحس اني محتاجة لكم أكتر بحس ساعات اني بجد عيلة صغيرة مهما كبرت وكبرت مسؤولياتي بالذات».
وتابعت: «كأم.. بسأل نفسي انتوا ربتونا إزاي؟.. إزاي ست لا حول لها ولا قوة إلا من عند ربنا تتولى مسؤولية زي دي وأب كمان بيشقى ويتعب ويشتغل بدل الشغلانة اتنين وتلاتة عشان يعيشنا كويس».
وأضافت: «الله يرحمك يا أبويا ويرحمك يا أمي أما أمي التانية وأختي وكل حاجة فالكلام عنك مش هيخلص.. الله يرحمك يا حبيبتي، الله يرحمكم ويجعلكم النهاردة من رحالة عرفة يا رب.. انت اللي عالم بالقلوب يا رب، بابا ٥/٢/٢٠٠٣، ماما ٢٦/٤/٢٠٠٦ ، أختى ٧/٧/٢٠١٩ .. أرجو الدعاء ليهم ولكل أمواتنا الغاليين الله يرحمكم».
View this post on Instagram
سبب سقوط أمينة على المسرح
من جانبها، انتشر مقطع فيديو للفنانة الشعبية أمينة، وهي تسقط على المسرح من آخر حفلة لها، وسخر عدد من نشطاء السوشيال ميديا من الفيديو، وسرعان ما انهالت عليها التعليقات السلبية.
لتخرج عن صمتها وتقرر أن ترد على جميع التعليقات من قبل متابعيها، من خلال مقطع فيديو تم نشره عبر حسابها الخاص بموقع التيك توك، قائلة: «ده فيديو وقعت فيه وأنا فى الشغل واتحاملت على نفسى وقمت، جالى تمزق فى الأربطة والحمدلله».
وأضافت: «دخلت على تعليقات الفيديو أشوف الناس اتخضت عليا وكانت الثقة زيادة، دخلت لقيت معظم التعليقات اه أحسن والأرض تبلعها وأصلها بتترقص».