تحدث أمير مرتضى منصور، المشرف السابق على الكرة بنادي الزمالك، عن الفترة التي كان متواجد بها في القلعة البيضاء.
تصريحات أمير مرتضى منصور
وقال أمير مرتضى: أنه لم يربح أي شيء من نادي الزمالك بالنسبة لمجلس الإدارة بيبقى عمل تطوعي، وانا كنت متعين مشرف عام على الكورة، ولو أي حد غيري المفروض يبقى أعلى مرتب وبيوصل لملايين، بياخد زي لاعبى الكرة والمدير الفني.
وأضاف المشرف على الكرة بنادي الزمالك السابق: اتعرض عليا أندية جوه مصر وبرة مصر واعتذرت لأصحاب النوادي زي الامارات والسعودية، لكن دي مش شغلتي، أنا كنت بعملها للزمالك ببلاش، ومكنش فيه مرتب شهري ليا، بالعكس أنا كنت بصرف ملايين من فلوسي الخاصة”.
وأتم أمير مرتضى: “كل السفريات والمعسكرات اللي على مدار خمس سنين معايا فواتيرها، إقامة وطائرات والنادي متحملهاش، ولما مسكت غيرت اللائحة بتاعة العقوبات والمكافآت، وكانت ان مدير الكرة أو المشرف العام، بياخد 200% أو 300% من المكافأة، يعني لو اللاعب مكافأة الماتش 10 آلاف جنيه، المشرف ياخد 30 ألف جنيه.
وأوضح أنا عدلت اللائحة ولغيتها ليا ولـ اللي بعدي، والمعادلة كانت غلط، لأنها كانت أن عضو مجلس الإدارة هو المشرف على الكرة، ومينفعش عضو المجلس للنادي يربح منه، حتى لو بشكل قانوني، ومفيش حد في ظروفي في كل النوادي.
واختتم: للأسف في مصر العمل العام، انت بتبقى فيه عُرضة لأي حاجة، بسبب أن زي ما فيه ناس بتحبك وبتدعمك، فيه ناس بتطلع عليك إشاعات وبتتكلم عليك”.
موعد مباراة الزمالك وفيوتشر
ويستعد نادي الزمالك لمواجهة فريق مودرن فيوتشر في ذهاب الدور الربع النهائي من بطولة كأس الكونفدرالية الإفريقية.
وتقام المباراة يوم الأحد المقبل الموافق 31 مارس الجاري، في تمام الساعة 9 مساءًا على ستاد السلام.