علق أمير مرتضى، المشرف السابق على الكرة بنادي الزمالك، على أزمة عدم تجديد عقد اللاعب أشرف بن شرقي، وأزمة إمام عاشور مع الزمالك، بجانب الكشف عن كواليس شرائه زيزو.
تصريحات أمير مرتضى منصور
وقال أمير مرتضى منصور خلال تصريحات تليفزيونية: جبت أشرف بن شرقي من الهلال السعودي اللي هو زعيم أسيا وعندهم نيمار دلوقتي، وجبته بـ 400 ألف دولار ووقتها كان بـ 6 مليون جنيه.
وأضاف أمير مرتضى: أن نادي الوداد المغربي باع بن شرقي لـ الهلال السعودي بـ 4 مليون يورو، وأشرف معرفش يتأقلم مع الأجواء السعودية.
وعن سبب عدم تجديد عقد أشرف بن شرقي، مع نادي الزمالك، قال أمير مرتضى: أشرف بن شرقي، جه الزمالك في صيف 2019 والموسم ده بيبقى اسمه موسم 2019/2020، وهو مضى 3 مواسم، ولعب معايا موسم وبعدين المجلس اتحل وقعدنا سنة في البيت بنتفرج على الزمالك في التلفزيون.
وأكمل المشرف على كرة القدم بنادي الزمالك السابق: لما رجعت كان فاضل 6 شهور في عقد بن شرقي ويخلص، وهو جه قالي أنا مش عايز أقعد في مصر، ولو قعدت في مصر هقعد في الزمالك، وعلشان خاطري سيبني أمشي.
وزاد: أن اللاعب طلب منه ميطلعش تصريحات تدي أمل للناس أني احتمال أجدد لأني زهقت وعايز أمشي، وده لاعيب مغربي وعاش في أجواء تانية خالص، عاش في السعودية وفرنسا.
وأتم: أنا مشكلتي أني مكنتش صريح مع الناس، وأنا لو كنت رجعت في ولايتي التانية وسودتها في وش الناس، وطلعت وصارحت الرأي العام وعملت زي اللي بيعملوه دلوقتي.
واختتم: بقيت أنا اللي شايل مسؤولية أني أقنع اللاعيبة تقعد، اللاعيبة دي اتحطت في صراع بين مستقبلها، دول بيبقوا مستنين اللحظة اللي يجددوا عقدهم فيها لأن دي بتضمن له رزقه لـ 3 سنين قدام، وبيتفق على رقم لـ رزقه لـ 3 سنين قدام، فبيدخل في صدام.