عبر الفنان أمير كرارة عن شدة سعادته بردود أفعال الجمهور على أحدث أفلامه فيلم البعبع، بالإضافة إلى حديثه عن تعاونه مع الفنانة ياسمين صبري للمرة الأولى خلال أحداث الفيلم.
وقال أمير كرارة خلال حواره مع برنامج ET بالعربي: طبعًا راضي عن إيرادات فيلم البعبع، وإحنا بنشتغل والإيرادات دي بتاعة ربنا والمنتج نفسه، والحمد لله بنعمل حاجة تليق بالجمهور وفيلم محترم، وطبعًا المنافسة شديدة وأنا من محب الكريمين وربنا يكرمهم ويكرم كل الناس.
وأشار كرارة أنه لم يتخوف من خوض التجربة الكوميدية، معلقًا: مخوفتش، والفكرة كلها إن الورق شجعني وواثق في المخرج اللي معايا إنه هيظبط الكوميديا، والحمد لله كانت تجربة ممتعة وجديدة عليا.
وتابع: كان لازم أغير الأكشن؛ لأن الفترة اللي فاتت كانت كلها أكشن، يمكن كنت قلقان في البداية إني أقدم كوميدي ولكن الحمد لله لقيت رد فعل حلوة من الناس.
أما عن مشاركته للفنانة ياسمين صبري فيلم البعبع، قال أمير كرارة: من التجارب الحلوة اللي اكتسبتها في المهنة هو التعامل مع ياسمين صبري، وهي بصراحة ست وممثلة جميلة، وارتحت معاها في التعامل وأتمنى أشتغل معاها تاني، وعندها جمهور كبير جدًا، والناس بتحبها جدًا.
فيلم البعبع
ويشارك في بطولة فيلم البعبع عدد كبير من نجوم الفن، أبرزهم أمير كرارة، وياسمين صبري، وباسم سمرة، ومحمد عبد الرحمن، ومحمد أنور، ورحاب الجمل ومحمد عبد العظيم وغيرهم من نجوم الفن.