كشفت الفنانة ألفت عمر عن تعرضها لـ أزمة صحية خلال الفترة الماضية بسبب ضغوطات المهنة.
وكتبت أُلفت عمر، عبر حسابها الشخصي بموقع التواصل الاجتماعي فيسبوك، قائلة: صباح الفل لما كتير سألوني إيه اللي حصلي قلت أقولكم.. طلع عندي كسل في الغدة الدرقية نتيجة حرق الأعصاب والدم في الشغلانة دي، والغدة بتعصبك وبتحجز الميه تحت الجلد وبتعطل الحرق في الجسم مهما عملت دايت مش هتخس وترجع زي ما كنت.
وأضافت: الحل جيم طول الوقت على الأقل 4 أيام في الأسبوع، دايت أكل وشرب حاجات معينه تزود الحرق وتهدى خالص وتعيش بأعصاب باردة اللي يحصل يحصل.. وفعلًا النجاح والبريق ليه وقته والأرزاق بيد الله.. مهما كنت شايفه نفسى شاطرة واستاهل.
واختتمت أُلفت عمر حديثها، قائلًة: عملت كده وخلال 3 أسابيع لشهر كانت دي النتيجة ولسه بكمل.. دعواتكم إن شاء الله أقدر أكمل من غير قلق.. مش مستاهلة.. صحتك بالدنيا.