كشف الفنان أكرم حسني، تفاصيل بداية دخوله المجال الفني والإعلامي من خلال برنامج أبو حفيظة، بالإضافة إلى تعليقه عن نجاح آخر أعماله السينمائية العمل صفر، وحديثه عن مسلسل رجالة البيت الذي تعاون فيه مع الفنان أحمد فهمي، والذي عُرض في موسم رمضان 2020.
وقال أكرم حسني خلال لقائه مع الإعلامي معتز الدمرداش، في برنامج ضيفي: سيد أبو حفيظة ده وش الخير والسعد، وسبب حاجات كتير أوي ربنا كرمني بيها.
أكرم حسني: العميل صفر نجح بعدل ربنا
وعن نجاح فيلمه العميل صفر، قال اكرم حسني: بحمد ربنا إن ربنا مبيضيعش التعب، العميل صفر من الحاجات اللي قعدنا فترة كبيرة نحضر لها، وفي الأخر ربنا بيكلل كل ده أن الجمهور بيقول الفيلم حلو وشباك التذاكر بيقول كلام كويس، الحمد لله شعور الرضا والانبساط والتقدير لعدل وعظمة ربنا.
وتابع: أنا بعيش لحظات استثنائية، وكل زملائي الفنانيين أساتذة كبار وعملوا مجهود كبير وأعمال حلوة جدا وفكرة المنافسة مين إيراداته أكبر من مين والله عمرها ما شغلتني، كل اللي بيشغلني إني أعمل فيلم حلو، واعتقد أن زملائي بيعملوا كده وده في الآخر بيصب في مصلحة الجمهور.
وكشف اكرم حسني السر وراء اسمه في العميل صفر: اسم شخصية صفر في فيلم العميل صفر له مبرر في الدراما، لأن الشخصية كان اسمها صقر وفي السجل المدني نسيوا النقطة وبقى اسمه صفر، وده انعكس على شخصيته في الفيلم، يعني هو مش مجرد اسم فيه إفيه لأ ده بيخدم في الدراما.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا