كشف أصغر طفل في السينما الفنان أحمد فرحات خلال حواره مع موقع «أوان مصر» سبب غيابه الطويل عن المجال الفني، مشيرا إلى أنه لديه الموهبة ويتمنى أن يعود من جديد.
وقال أحمد فرحات لـ «أوان مصر»: أنا مغبتش عن الفن الظروف هي اللي خلتني أبعد أنا كنت بمثل زمان أيام الزمن الجميل لكن جت نكسة ٦٧ نقلت الفن والفنانين لبيروت وهناك الفن كان غير اللي متعود عليه مش فن الشارع المصري “.
وتابع “فمن هنا غيرت كاريري من طفل معجزة لمهندس في مكتب رئيس الجمهورية لحد ما طلعت على المعاش وعاوز ارجع بس للاسف مش عارف ارجع مع أن الموهبة موجودة “.
وأوضح أحمد فرحات: “المشكلة أني عاوز ارجع بس مش متعود اخبط على حد أقوله شغلني لاني معملتهاش وأنا صغير هاجي اعملها دلوقتي “.
واختتم أحمد فرحات كلامه: “الشغلانة دي عرض وطلب وهما عرفني فاللي عاوز يشغلني يا مرحب لكن أنا مش هطلب شغل من حد ، والموضوع مش موضوع فلوس أنا مستعد اشتغل ببلاش هي الهواية في دمي وبحب الفن والتمثيل “.