استعادت الفنانة السورية أصالة ذكرياتها في لبنان، برفقة صديقتها الفنانة مايا دياب.
أصالة نشرت صورة جمعتها بمايا، على حسابها على “انستجرام”، وعلقت قائلة: “بمكان بسيط جدّاً بسّ حلو للغايه.. عندّ صخره منحوته بالطّبيعه.. البحر قريب وأغاني لبيروت قديمه .. رفقه لطيفه وأصدقاء مُحبّين .. صبايا وشباب بيشتغلوا بسّ ليزرعوا فرح وذكرى مابتروح لو راح المكان”.
وأضافت: “رفيقة جمعتني معها كلّ التّفاصيل الّلي بتروح مع النّاس لمّا بيكبروا .. تفاصيل صغيره مجموعها حياة .. بتجتمع كلّها ببيروت ومابتروح هالتّفاصيل لأنّها موجوده بتكوين النّاس .. ورح نرجع سوا نبني ونجمّع كلّ الّلي تكسّر لنعمل لوحه جديده لصبيّه رح ترجع توقف على المرايه وتشوف حالها حلّوه حتّى بجروحها”.
واختتمت كلامها، بقولها: “وأنا ومايا رح نقعد قريب عالصّخره الّلي مافي شي بيشيلها من مكانها .. ياربّ قريب #صباح_بيروت #لبنان #حياة @mayadiab”.