أسما شريف منير/ نشرت الإعلامية، أحدث صورها، عبر صفحتها الشخصية بموقع التواصل الاجتماعي “إنستجرام” لتبادل الصور والفيديوهات، وتألقت بفستان مشجر بالورد، كاشف للساقين.
وعلقت أسما شريف منير، قائلة:” الحياة للناس اللي عندها طموح بتكون زي السباق و كتير منها بينسي يرضي و يقف شوية يتبسط باللي حققه و وصله و يشارك اللحظات دي و يستمتع بيها مع الناس القريبة منه اللي بتشجعه و مؤمنه بيه، للأسف بيتولد جواهم طمع و بيفضلوا فكرينه طموح، بينسوا معني الرضي”.
View this post on Instagram
وواصلت:”القناعة والطموح في بينهم شعره لان القناعة عكسها الطمع، وعدم الرضا مش طموح، الطموح لا يتنافى مع القناعة لما بنكون وخدين بالنا باللي ربنا انعم علينا بيه”.
وتابعت:”الطموح اننا نسعي بكل طاقتنا بس يكون عندنا قناعة ورضا بالنتائج اللي وصلنا لها بعد السعي، نشارك اللي حولينا و نفرح بكل خطوه من غير ما نجري علي الخطوات اللي بعدها من غير ما ناخد نفس، لان مع الوقت الشخص ده قدام مفيش حاجة هتفرحه و لا هيحس بسعاده بأي خطوة بياخدها و ديماً هيفضل يدور علي حاجة هو حتي مش عارف هي ايه؟”.
وأضافت:”عمره ما هيرضي و هيفضل فاضي من جواه.. اسعي و خليك طموح بس اوعي تنسي ترضي و تستمتع بكل خطوة و بذات مع الناس اللي بتحبك و مؤمنه بيك.. ايه الفرق بين الطموح و الرضا بالنسبة لكم؟
رسالة أسما شريف منير عن السعادة
وكانت قد أطلت أسما شريف منير، على متابعيها بـ فستان جذاب، وطلبت من الجمهور توضيح لها معنى السعادة، وجاء ذلك عبر صفحتها الرسمية بموقع “إنستجرام”، لتبادل الصور والفيديوهات.
وظهرت في الصور بـ فستان لونه أحمر ناري ومكشوف الساق وعاري، وعلقت على الصور قائلة: “عايزة اعرف ايه معني السعاده بالنسبلكم؟”.
وتابعت قائلة: “اكتبوا لي في الكومنتس و عايزكم بعد شوية تقروا الكومنتس و تشوفوا قد ايه السعاده نسبية و ان كل حد شايف السعاده غير التاني”.
ووجهت رسالة لمتابعيها قائلة: “فا مش مفروض نستمد سعادتنا من حد او نعتمد علي حد انه يخلينا سعداء، لازم انتم تدوروا علي سعادتكم بنفسكم، متستنوش حد يسعدكم، لازم تسعدوا نفسكم بنفسكم.. هستني اعرف ايه معني السعاده بالنسبالكوا”.
وتجاوب معها الكثير من المتابعين وتلقت تعليقات كالتالي:
السعادة موجودة في ضحكت أمي.
السعادة انى دايما اكون حسة بالرضا جويا.
السعادة هي انك تعرفي تسعدي الي حواليكي و ناس الي بتحبيهم هنا بتحسي بشعوووور مختلف جدااااا.
وقد شارك الفنان محمود حجازي، طليق أسما شريف منير، متابعيه مجموعة صور من أحدث ظهور، وذلك عبر صفحته الرسمية بموقع تبادل الصور والفيديوهات “انستجرام”.
وظهر في الصور وهو يستمتع بوقت اجازته، وهناك شئ لفت نظر بعض المتابعين بانه شارك هذة الصور بعد ان نشرت طليقته أسما شريف منير، مجموعة صور من الجونة وكانت تسأل متابعيها عن السعادة وكأنه يرد عليها بطريقة غير مباشرة.