كشف الكاتب والسيناريست أحمد مراد تفاصيل حبكة الرواية، وأعرب عن رأيه في الفن بشكل عام، مشيرًا: لازم الفن يكون مزعج.
وتابع أحمد مراد خلال ندوته في مهرجان الشارقة بـ الإمارات: أهم حاجة في الرواية هي النفس البشرية، وهو ده الشيء اللي بيخلي البني آدم يقرأ أنه شايف في حاجه صراع أو غيره.. وأهم حاجة في حبكة الرواية يكون عندي حل مبتكر ولازم يكون في موهبة حقيقية، وأجمل الأفكار بتجيلي وأنا رايح أنام.
وأعرب عن رأيه في الفن، قائلًا: من وجهة نظري، الفن متعة ومينفعش يكون إصلاح للمجتمع، وفيه كتب مخصصة لـ ده.. الفن لازم يكون مزعج جدًا عشان يعيد ترتيب أفكار كل واحد فينا تاني.
وأضاف أحمد مراد: الرواية مهمتها مدخلش ومخرجش زي ما أنا.. كده هتفضل ساذج هاتولي رواية واحد الخير بينتصر في الآخر والبطل والبطلة بيتجوزوا، النهايات مش لازم تكون سعيدة وشيء من السذاجة أني أقرأ رواية فـ حالي ينصلح، ده شيء يضحك.
أعمال أحمد مراد القادمة
يجهز أحمد مراد خلال الفترة الحالية الجزء الثالث من فيلم الفيل الأزرق بطولة كريم عبد العزيز، وذلك بعد النجاح الكبير الذي حققه الجزء الأول والثاني من العمل.