تحدث الفنان أحمد فهيم عن تفاصيل مشاركته في مسلسل جعفر العمدة، بعد إبداعه في تقديم شخصية سيد شقيق محمد رمضان بالمسلسل، حيث أن الدور لقى تفاعل كبير من الجمهور .
وقال أحمد فهيم خلال حواره مع إي تي بالعربي: «شخصية سيد العمدة صعبة جدًا بالنسبة لي وأصعب شخصية عملتها من أول ما بدأت، وسيد مش عبيط لكنه راجل كبير وجواه طفل والتناقض في الشخصية هو اللي عامل الحالة دي».
واعرب أحمد فهيم عن شدة سعادته بنجاح شخصيته في مسلسل جعفر العمدة حيث قال: «كان حلمي لما خدت قرار أكون ممثل يكون عندي كارفان وأوضة بتاعتي وأكون على الأفيش وأشوفه في الشارع زي ما بشوف أفيش المسسلات والأفلام والحمد لله حلمي أتحقق».
أحمد فهيم: كان حلمي أشوف صورتي على أفيش واسمي بالتتر
وتابع: «أحمد داش بعت لي صورة الأفيش وبارك لي ولما شفتها دموعي نزلت لأنه حلم من زمان، ولما ماكنتش بشوف صورتي في أفيش أو اسمي على تتر كنت بشجع نفسي وأقول بكره هيكون ده موجود ولما ده حصل ساعادتي ما تتوصفش».
كما كشف أحمد فهيم عن كواليس مشهد صفع محمد رمضان له ضمن أحداث المسلسل، مؤكدًا على أنه من أصعب المشاهد التي قدمها في المسلسل: من المشاهد صعبة جدا واتاخد من كذا زاوية، ولما خدنا الزاوية بتاعة محمد رمضان كنت بعيط وفي دموع نازلة وفي حالة كده ولما جينا ناخد زاويتي فصلت وما كنتش عارف أعيط.